ລັດ​ເຊຍ ​ແລະ​ ອາ​ເມ​ລິ​ກາ​ລ້ວນ​ແຕ່​ດີ​ໃຈ​ຕໍ່​ໝາກຜົນ​ແຫ່ງ​ການ​ພົວພັນ 2 ຝ່າຍ​​ໃນປີ 2011 ​ແລະ ລ້ວນ​ແຕ່​ສະ​ແດງ​ຄວາມ​ປາດ​ຖະໜາ​ຢາກ​ສືບ​ຕໍ່​ຮ່ວມ​ມື​ລະຫວ່າງ 2 ປະ​ເທດ​ໃນ​ປີ 2012. ທ່າ​ນຮອງ​ລັດຖະມົນຕີ​ກະຊວງ​ກາ​ນຕ່າງປະ​ເທດ ລັດ​ເຊຍ Sergey Lavrov ​ແລະ ຮອງ​ທີ່​ປຶກສາ​ສະພາ​ປ້ອງ​ກັນ​ຄວາມ​ສະຫງົບ​ແຫ່ງ​ຊາດ ອາ​ເມ​ລິ​ກາ Ben Rhodes ​ໄດ້​ຍົກ​ອອກ​ຂໍ້​ສັງ​​ເກດ​ທີ່​ເປັນ​ເອກະ​ພາບ​​ດັ່ງກ່າວ ​ເມື່ຶອຕອບ​ສຳພາດ​ໃນວັນ​ທີ 26/12 ຂອງສຳນັກຂ່າວສານ​ລັດ​​ເຊຍ Itar – Tass. ທ່ານ​ຮອງ​ລັດຖະມົນຕີ Lavrov ຊີ້​ແຈງ​ວ່າ: ​ເມື່ອ​ທຽບ​ກັບ​ໄລຍະ​ກ່ອນ, ປະຈຸ​ບັນ ລັດ​ເຊຍ ​ແລະ ອາ​ເມ​ລິ​ກາ​ໄດ້​ຊຸກຍູ້​ການ​ພົວພັນ​ຄູ່​ຮ່ວມ​ມື​ກ້າວ​ເຂົ້າ​ສູ່​ລະດັບ​ໃໝ່​​ທີ່​ມີຜົນ​ປະ​ໂຫຍ​ດ​ໃຫ້​ທັງ 2 ປະ​ເທດ ​ແລະ ​ທົ່ວ​​ໂລກ​ເວົ້າ​ລວມ. ຜູ້ຕາງໜ້າ​ອາ​ເມ​ລິ​ກາຖື​ວ່າ: ຜົນງານ​ຕົ້ນ​ຕໍ່​ໃນ​ການ​ພົວພັນ ອາ​ເມ​ລິ​ກາ - ລັດ​ເຊຍ ​ໃນປີ 2011 ​ແມ່ນ 2 ຝ່າຍ​​ໄດ້ສິ້ນ​ສຸດ​ການ​ເຈ​ລະຈາ​ທີ່​ກ່ຽວຂ້ອງ​ເຖິງ​ເລື່ອງ ມົດ​ສະ​ກູ ​ເຂົ້າ​ເປັນ​ສະມາ​ຊິກ ອົງການ​ກາ​ນຄ້າ​ໂລກ (ຫຼື WTO) ​ແລະ 2 ຝ່າຍ​ ​ເລີ່​ມ​ຊຸກຍູ້​ການ​ຮ່ວມ​ມື​ດ້ານ​ເສດຖະກິດ ​ແລະ ການ​ປ້ອງ​ກັນ​ຄວາມ​ສະຫງົບ. ທັງ 2 ທ່ານ Lavrov ​ແລະ Rhodesລ້ວນ​ແຕ່​ເຫັນ​ດີ​ເປັນ​ເອກະສັນ​ກ່ຽວ​ກັບ​ຄວາມ​ສຳຄັນ​ຍຸດ​ທະ​ສາດ​ຂອງ​ສາຍ​ພົວພັນ​ລັດ​ເຊຍ - ອາ​ເມ​ລິ​ກາ ທີ່​ມີ​ຕໍ່ 2 ປະ​ເທດ ​ແລະ ທົ່ວ​​​ໂລກ​ເວົ້າ​ລວມ. ທັງ 2 ຝ່າຍ​ຊີ້​ແຈງ​ວ່າ ປີ 2011 ທັງ​ລັ​ດ​ເຊຍ ​ແລະ ອາ​ເມ​ລິ​ກາ ລ້ວນ​ແຕ່​ຈັດ​ຕັ້ງ​ການ​ເລືອກ​ຕັ້ງ​ປະທານ​າທິບໍດີ, ດັ່ງ​ນັ້ນ 2 ຝ່າຍ​ລ້ວນ​ແຕ່​ຫວັງ​ວ່າ ອຳນາດ​ການ​ປົກຄອງ​ໃໝ່​ຂອງ 2 ປະ​ເທດ ຈະ​ຊຸກຍູ້​ການ​ພົວພັນ​ຮ່ວມ​ມື 2 ຝ່າຍ.