(vovworld) – ວັນ​ທີ 25/11, ທ່ານ​ປະ​ທາ​ນາ​ທິ​ບໍ​ດີ​ ລັດ​ເຊຍ Vladimir Putin ໄດ້​ໂອ້​ລົມ​ທາງ​ໂທ​ລະ​ສັບ​ກັບ​ຄູ່​ຕຳ​ແໜ່ງ​ປະ​ເທດ ຕວກ​ກີ Rayip Erdogan ແລະ ປຶກ​ສາ​ຫາ​ລື​ບັນ​ຫາ​ແກ້​ໄຂ​ວິ​ກິດ​ການ​ຢູ່ ຊີ​ຣີ. ທ່ານ​ປະ​ທາ​ນາ​ທິ​ບໍ​ດີ ຕວກ​ກີ Rayip Erdogan ໄດ້​ຖະ​ແຫຼງວ່າ: ບັ້ນ​ຮົບ​ຂອງກອງ​ທັບ ຕວກ​ກີ ດຳ​ເນີນ​ຢູ່​ພາກ​ເໜືອ ຊີ​ຣີ ໄດ້​ສະ​ແດງ​ໃຫ້​ເຫັນ​ຄວາມ​ຕັດ​ສິນ​ໃຈ​ຂອງ ຕວກ​ກີ ໃນ​ການ​ຕໍ່​ສູ້​ຕ້ານ​ພວກກໍ່​ກາ​ນ​ຮ້າຍ, ພ້ອມ​ທັງ​ເນັ້ນ​ໜັກ​ວ່າ ຕວກ​ກີ ເຄົາ​ລົບ​ຜືນ​ແຜ່ນ​ດິນ​ອັນ​ຄົບ​ຖ້ວນ​ຂອງ ຊີ​ຣີ. ການ​ນຳ 2 ທ່ານ​ໄດ​້​ເປັນ​ເອ​ກະ​ພາບ​ດຳ​ເນີນ​ບັນ​ດາມາດ​ຕະ​​ການຍູ້​ໄວ​ການ​ແກ້​ໄຂວິ​ກິດ​ການ​ມະ​​ນຸດ​ສະ​ທຳ​ຢູ່​ນະ​ຄອນ Aleppo ຂອງ ຊີ​ຣີ. ການ​ນຳ 2 ທ່ານກໍ່​ເຫັນ​ດີ​ເປັນ​ເອ​ກະ​ພາບ​ສືບ​ຕໍ່​ເຈ​ລະ​ຈາຢ່າງ​ຕັ້ງ​ໜ້າ​ເພື່ອ​ເປັນ​ເອ​ກະ​ພາບ​ຄວາມ​ມາ​ນະ​ພະ​ຍາ​ຍາມ​ຕໍ່​ສູ້​ຕ້ານ​ພວກກໍ່​ການ​ຮ້າຍ​ສາ​ກົນ, ລະ​ອຽດ​ແມ່ນ​ສືບ​ຕໍ່​ບັນ​ດາ​ການ​ໂອ້​ລົມ​ສົນ​ທະ​ນາ​ລະ​ຫວ່າງ​ກະ​ຊວງ​ການ​ຕ່າງ​ປະ​ເທດ, ກະ​ຊວງ​ປ້ອງ​ກັນ​ປະ​ເທດ ແລະ ​ອົງ​ການສືບ​ລາ​ຊະ​ການ​ລັບ.