ລັດເຊຍແລະສປປ.ເກົາຫຼີເຫັນດີເປັນເອກະສັນຕ້ອງເຊື່ອມຕໍ່ການເຈລະຈາ6ຝ່າຍ
ທ່ານ Lee Su – yong ແລະ ທ່ານ Sergei Lavrov
(ພາບ: baodatviet.vn)
(vovworld) – ເຖິງວ່າສະພາບການສັບສົນກໍ່ຕາມ, ແຕ່ການເຊື່ອມຕໍການເຈລະຈາ 6 ຝ່າຍ (ເຊິ່ງລວມມີ: ຈີນ, ສ. ເກົາຫຼີ, ສປປ. ເກົາຫຼີ, ອາເມລິກາ, ລັດເຊຍ ແລະ ຍີ່ປຸ່ນ) ກ່ຽວກັບບັນຫານິວເຄຼຍໃນແຫຼມ ເກົາຫຼີ ອາດສາສາດໄດ້ຮັບການເຊື່ອມຕໍ່. ທ່ານລັດຖະມົນຕີການຕ່າງປະເທດ ລັດເຊຍ Sergei Lavrov ໄດ້ຍົກອອກຖະແຫຼງການດັ່ງກ່າວພາຍຫຼັງການເຈລະຈາໃນວັນທີ 1/10 ກັບຄູ່ຕຳແໜ່ງ ສປປ ເກົາຫຼີ Lee Su – yong ທີ່ພວມຢູ່ຢ້ຽມຢາມ ລັດເຊຍ ເປັນເວລາ 10 ວັນ.
ຕາມທ່ານລັດຖະມົນຕີການຕ່າງປະເທດ Lavrov ແລ້ວ, 2 ຝ່າຍໄດ້ເຫັນດີເປັນເອກະສັນວ່າ: ບັນດາການເຈລະຈາກ່ຽວກັບບັນຫານິວເຄຼຍຂອງ ແຫຼມ ເກົາຫຼີ ຄວນໄດ້ຮັບການສືບຕໍ່ຢ່າງໄວ. ເຖິງຢ່າງໃດກໍ່ຕາມ, ເພື່ອເຊື່ອມຕໍ່ການເຈລະຈາ 6 ຝ່າຍດັ່ງກ່າວຕ້ອງມີເວລາກຳນົດ ແລະ ໄດ້ຮັບຄວາມເຫັນດີເຫັນພ້ອມຈາກທຸກໆຝ່າຍເຂົ້າຮ່ວມ. ເງື່ອນໄຂຕົ້ນຕໍເພື່ອສືບຕໍ່ດຳເນີນການເຈລະຈານີ້ແມ່ນທຸກໆຝ່າຍຕ້ອງມີວິທີສຳພັດຢ່າງລະອຽດ ແລະ ບໍ່ໄດ້ຟ້າວຟັ່ງທີ່ກໍ່ຄວາມຂັດແຍ້ງກັນດ້ານຫຼັກໝັ້ນ.