ບັນດາບັນຫາສາກົນ ກໍຄືການພົວພັນ 2 ຝ່າຍທີ່ຮີບດ່ວນອື່ນໆ. ເພື່ອກະກຽມໃຫ້ແກ່ການພົບປະຂັ້ນລັດຖະມົນຕີການຕ່າງປະເທດນີ້, ວັນທີ 08 ພຶດສະພາ, ທ່ານຮອງລັດຖະມົນຕີການຕ່າງປະເທດລັດເຊຍ Sergey Ryabkov ໄດ້ມີການປຶກສາຫາລືກັບຜູ້ຮັກສາການຮອງລັດຖະມົນຕີການຕ່າງປະເທດອາເມລິກາ ທ່ານ Thomas Shannon ຢູ່ນິວຢອກ, ປະເທດອາເມລິກາ. ເມື່ອເຕື້ອງເຖິງແງ່ຫວັງຫັນການພົວພັນ 2 ຝ່າຍເປັນປົກກະຕິ, ທ່ານ Sergey Ryabkov ຖືວ່າ, 2 ປະເທດຄວນແກ້ໄຂບັນດາປັດໃຈທີ່ເກີດຂຶ້ນຢ່າງຮອບດ້ານ ພາຍໃຕ້ອຳນາດການປົກຄອງຂອງທ່ານອະດີດປະທານາທິບໍດີອາເມລິກາ Barack Obama, ກ່ຽວຂ້ອງເຖິງເລື່ອງໃນທ້າຍປີ 2016, ອາເມລິກາ ໄດ້ອອກຄ່ຳສັ່ງອາຍັດຕຶກສຳນັກງານອົງການການທູດລັດເຊຍ ປະຈຳອາເມລິກາ, ເຊິ່ງເຄີຍແມ່ນຊັບສົມບັດແຫ່ງຊາດຂອງລັດເຊຍ ແລະ ມີຂໍ້ກຳນົດຫ້າມລ່ວງລ້ຳ ແລະ ຕົກລົງເນລະເທດນັກການທູດລັດເຊຍ 35 ຄົນ…