ທ່ານນາງ Stephanie Williams ທູດພິເສດຂອງທ່ານເລຂາທິການໃຫຍ່ ສປຊ ກ່ຽວກັບ ລີບີ (ພາບ: AFP)

ທ່ານນາງ Stephanie Williams ໄດ້ມີການພົບປະກັບທ່ານ Abdulhamid al-Dbeibah ນາຍົກລັດຖະມົນຕີ ລັດຖະບານສາມັກຄີຊາດ ລີບີ ແລະ ທ່ານ Fathi Bashagha ຜູ້ທີ່ສະພາແຫ່ງຊາດໄດ້ແຕ່ງຕັ້ງເປັນຜູ້ນຳລັດຖະບານຊຸດໃໝ່ ແຕ່ຖືກທ່ານນາຍົກລັດຖະມົນຕີຄົນປັດຈຸບັນຄັດຄ້ານ. ໃນການພົບປະກັບທ່ານ Fathi Bashagha, ທ່ານນາງ Stephanie Williams ໄດ້ເນັ້ນໜັກວ່າ ບັນດາຝ່າຍຢູ່ ລີບີຕ້ອງຮ່ວມມືກັນຢ່າງຈະແຈ້ງ ກ່ຽວກັບທຸກດ້ານ ແລະ ເຫັນດີເປັນເອກະພາບກັນ ພ້ອມກັນຮັກສາສະຖຽນລະພາບໃນທົ່ວປະເທດ, ພິເສດແມ່ນນະຄອນຫຼວງ Tripoli. ສ່ວນທ່ານ Fathi Bashagha ຢັ້ງຢືນວ່າ ຍາມໃດກໍ່ມີຄວາມເອົາໃຈໃສ່ຕໍ່ສະຖຽນລະພາບຂອງປະເທດຊາດ ແລະ ຮັບປະກັນການປະຕິບັດຕາມລັດຖະທຳມະນູນກໍ່ຄືກຳນົດເວລາດຳເນີນການເລືອກຕັ້ງ.