ນັກຂ່າວ ວິທະຍຸກະຈາຍສຽງ ຫວຽດນາມ (ຜູ້ໃສ່ເສື້ອສີຂາວ) ທີ່ພິທີຮັບລາງວັນ (ພາບ: VOV)

ຕອນຄ່ຳວັນທີ 22 ຕຸລາ, ຢູ່ນະຄອນ Istanbul, ຕວັກກີ, ສະຫະສະມາຄົມວິທະຍຸ - ໂທລະພາບ ອາຊີ - ປາຊີຟິກ (ABU) ໄດ້ຈັດພິທີມອບລາງວັນ ABU 2024, ເຊິ່ງເປັນລາງວັນເຊີດຊູບັນດາຜົນງານດ້ານກະຈາຍສຽງ, ໂທລະພາບ ແລະ ເນື້ອໃນດີຈີຕອນດີເດັ່ນຂອງບັນດາສະຖານີທີ່ວິທະຍຸໂທລະພາບເປັນສະມາຊິກຂອງ ABU ໄດ້ເຂົ້າຮ່ວມການເສັງ. ວິທະຍຸກະຈາຍສຽງ ຫວຽດນາມ ປີນີ້ເປັນກຽດໄດ້ຮັບລາງວັນດີເລີດ ໃນລາຍການກະຈາຍສຽງ ປະເພດສາລະຄະດີສະຖານະການ (News Reporting) ດ້ວຍຜົນງານ “ເສັ້ນທາງກັບເມືອເຮືອນ - ເລື່ອງລາວຂອງ ນາ”. ຜົນງານດັ່ງກ່າວໂດຍກຸ່ມນັກຂ່າວ, ບັນນາທິການຂອງພະແນກກະຈາຍສຽງບັນດາລາຍການພາກພາສາຕ່າງປະເທດ ວິທະຍຸກະຈາຍສຽງ ຫວຽດນາມ ປະຕິບັດ. ຜົນງານດັ່ງກ່າວ ໄດ້ເລົ່າຄືນວິວັດທະນາການກູ້ເອົາຊີວິດ ໝີໂຕໜຶ່ງ ພາຍຫຼັງຖືກກັກລ້ຽງມາເປັນເວລາ 20 ປີ. ນີ້ແມ່ນຜົນງານຂອງຄວາມມານະພະຍາຍາມໃນຫຼາຍວັນຄືນລຽນຕິດຂອງຖັນແຖວສັດຕະວະແພດ ແລະ ພະນັກງານກູ້ໄພກູ້ຊີບ Four Paws International, ເຊິ່ງເປັນອົງການສາກົນປົກປ້ອງສັດ.