(vovworld) - ໃນຂອບເຂດການຢ້ຽມຢາມ ແລະ ເຮັດວຽກຢູ່ຫວຽດນາມ (ວັນທີ 04 – 05/04). ວັນທີ 04/04, ທ່ານ Rudy Huygelen, ຫົວໜ້າຫ້ອງວ່າການຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ແລະ ບັນດາບັນຫາເອີລົບແຫ່ງລາຊະອານາຈັກແບນຊິກ ໄດ້ພົບປະທ່ານຮອງລັດຖະມົນຕີຜູ້ປະຈຳການກະຊວງການຕ່າງປະເທດ ບຸຍແທງເຊີນ. ທີ່ການພົບປະ, 2 ຝ່າຍໄດ້ເຫັນດີເປັນເອກະພາບນຳກັນສືບຕໍ່ສ້າງເງື່ອນໄຂສະດວກໃຫ້ແກ່ການແຊກຊຶມເຂົ້າກັບຕະຫຼາດ ແລະ ສະພາບແວດລ້ອມແຫ່ງການດຳເນີນທຸລະກິດ, ພິເສດແມ່ນໃນສະພາບຫວຽດນາມ ພ້ອມກັບບັນດາປະເທດອີຢູ ກ້າວໄປເຖິງການເຊັນສັນຍາການຄ້າເສລີລະຫວ່າງຫວຽດນາມ ແລະ ອີຢູ (EVFTA). 2 ຝ່າຍເຫັນດີສົມທົບກັນຈັດຕັ້ງຫຼາຍເຫດການວັດທະນະທຳ ແລະ ເສດຖະກິດ ເພື່ອສະເຫຼີມສະຫຼອງ 45 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ 2 ປະເທດ (1973 - 2018) ຢູ່ແຕ່ລະປະເທດ. ຜົນສຳເລັດຂອງບັນດາເຫດການນີ້ ພ້ອມກັບການຮ່ວມມືຢ່າງແທດຈິງ ແລະ ມີປະສິດທິຜົນລະຫວ່າງ 2 ປະເທດ ແມ່ນສະແດງໃຫ້ເຫັນຄວາມປາດຖະໜາ ແລະ ຄຳໝັ້ນສັນຍາຂອງ 2 ຝ່າຍກ່ຽວກັບແງ່ຫວັງຢາກຍົກລະດັບການພົວພັນລະຫວ່າງ 2 ປະເທດຂຶ້ນສູ່ລະດັບຄູ່ຮ່ວມມືຍຸດທະສາດ.