ລາຍການຖ່າຍທອດສົດ “ມວນມາລາຖະຫວາຍແດ່ລູງໂຮ່”

ຕອນຄ່ຳວັນທີ 03 ມິຖຸນາ, ສະຖານີໂທລະພາບນະຄອນ ໂຮ່ຈີມິນ ສົມທົບກັບສະຖານີວິທະຍຸກະຈາຍສຽງ - ໂທລະພາບແຂວງ ໄທງວຽນ ຈັດຕັ້ງລາຍການຖ່າຍທອດສົດ “ມວນມາລາຖະຫວາຍແດ່ລູງໂຮ່”. ກ່າວຄຳເຫັນທີ່ລາຍການຖ່າຍທອດສົດຢູ່ນະຄອນ ໂຮ່ຈີມິນ, ທ່ານເລຂາຄະນະພັກນະຄອນ ໂຮ່ຈີມິນ ຫງວຽນທ້ຽນເຍີນ ໄດ້ຫວນຄືນເຫດການປະຫວັດສາດຫ່າງຈາກນີ້ 70 ປີ, ເມື່ອປະທານ ໂຮ່ຈີມິນ ອອກຄຳຮຽກຮ້ອງແຂ່ງຂັນຮັກຊາດ. ທ່ານ ຫງວຽນທ້ຽນເຍີນ ຮຽກຮ້ອງໃຫ້ໄວໜຸ່ມໃນວັນນີ້ ມານະພະຍາຍາມກ່ວາອີກ, ສືບຕໍ່ແຂ່ງຂັນຮັກຊາດ:

        “ຊາວໜຸ່ມຕ້ອງກາຍເປັນກຳລັງນຳໜ້າໃນການແຂ່ງຂັນ. ພວກຂ້າພະເຈົ້າປາດຖະໜາວ່າ ພວກເພື່ອນຊາວໜຸ່ມສາມາດຮັບຮູ້ໄດ້ເຖິງຄວາມມຸ່ງຫວັງຂອງສັງຄົມ, ຂອງປະເທດຊາດດ້ວຍທີ່ຕັ້ງຂອງຕົນໃນປັດຈຸບັນ. ພວກເພື່ອນຈົ່ງສົມເປັນດັ່ງຄວາມໄວ້ເນື້ອເຊື່ອໃຈ, ການເສຍສະຫຼະຊີວິດຂອງລຸ້ນພໍ່ລຸ້ນອ້າຍ, ຂອງປະທານໂຮ່ຈີມິນ, ບັນດານັກຮົບວິລະຊົນທີ່ເສຍສະຫຼະຊີວິດເພື່ອຊາດ…ຂໍອວຍພອນໃຫ້ພວກເພື່ອນຊາວໜຸ່ມ ຈະປະສົບຜົນສຳເລັດໃນວັນນີ້ ແລະ ພາຍພາກໜ້າ”

        ໃນລາຍການຖ່າຍທອດສົດ, ໄດ້ສາຍບັນດາຟິມຮູບເງົາອັນລ້ຳຄ່າກ່ຽວກັບປະທານ ໂຮ່ຈີມິນ, ກ່ຽວກັບຂະບວນການອອກແຮງງານ, ທຳການການຜະລິດ, ການສູ້ຮົບຂອງກອງທັບ ແລະ ປະຊາຊົນ ຫວຽດນາມ.