ທ່ານ ຫງວຽນເທ໋ກິ້, ຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ ກ່າວຄຳເຫັນທີ່ລາຍການ

ຕອນຄ່ຳວັນທີ 23 ພຶດສະພາ, ທີ່ໂຮງລະຄອນໃຫຍ່ ຮ່າໂນ້ຍ, ຄະນະກຳມະການຊົນເຜົ່າ ໄດ້ສົມທົບກັບວິທະຍຸກະຈາຍສຽງ ຫວຽດນາມ ຈັດຕັ້ງລາຍການສະແດງສິລະປະ “ຂະບວນການ Startup ຢູ່ເຂດຊົນເຜົ່າສ່ວນໜ້ອຍ”. ລາຍການນີ້ເພື່ອແນໃສ່ສົ່ງເສີມພໍ່ແມ່ພີ່ນ້ອງຊົນເຜົ່າສ່ວນໜ້ອຍຮ່ວມແຮງຮ່ວມໃຈພ້ອມກັບຂະບວນການ Startup ໃນທົ່ວປະເທດ, ປະຕິບັດຄາດໝາຍ “ບໍ່ມີໃຜຖືກປະໄວ້ຢູ່ທາງຫຼັງ” ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນປະທານ ໂຮ່ຈີມິນ ອອກຄຳຮຽກຮ້ອງແຂ່ງຂັນຮັກຊາດ (11/6/1948 – 11/6/2018).

ການສະແດງສິລະປະທີ່ລາຍການ

        ກ່າວຄຳເຫັນທີ່ລາຍການ, ທ່ານ ຫງວຽນເທ໋ກິ້, ຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ ເນັ້ນໜັກວ່າ: ໂດຍເປັນອົງການສື່ສານຫຼາຍຮູບແບບ, ວິທະຍຸກະຈາຍສຽງ ຫວຽດນາມ ຈະມານະພະຍາຍາມຢ່າງສູງສຸດ, ຮ່ວມແຮງຮ່ວມໃຈພ້ອມກັບຄະນະກຳມະການຊົນເຜົ່າ ໜູນຊ່ວຍ, ຊຸກຍູ້ຂະບວນການ Startup ຢູ່ເຂດຊົນເຜົ່າສ່ວນໜ້ອຍ. ທ່ານກ່າວວ່າ:

        “ຂ້າພະເຈົ້າເຊື່ອໝັ້ນວ່າ, ພວກເພື່ອນຕ້ອງການແຫຼ່ງຂໍ້ມູນຂ່າວສານທີ່ດີ, ຈາກນັ້ນພວກເພື່ອນຈະຮ່ຳຮຽນຕາມ. ດ້ວຍຖານະແມ່ນວິທະຍຸກະຈາຍສຽງແຫ່ງຊາດ, ມີ 8 ຊ່ອງອອກອາກາດໃນນັ້ນມີ ໜຶ່ງຊ່ອງແມ່ນສະຫງວນສະເພາະໃຫ້ພໍ່ແມ່ພີ່ນ້ອງຊາວເຜົ່ວສ່ວນໜ້ອຍ ແລະ ເຂດພູດອຍ, ພວກຂ້າພະເຈົ້າຈະມີບຸລິມະສິດໃດໜຶ່ງໃຫ້ແກ່ຂະບວນການ Startup ເວົ້າລວມ, ພິເສດແມ່ນບຸລິມະສິດໃຫ້ບັນດາຊາວໜຸ່ມເຂດຊົນເຜົ່າ, ເຂດພູດອຍ.”

        ທີ່ລາຍການ, ຄະນະຈັດຕັ້ງໄດ້ເຊີດຊູບັນດາສ່ວນບຸກຄົນ, ໝູ່ຄະນະພໍ່ແມ່ພີ່ນ້ອງຊົນເຜົ່າສ່ວນໜ້ອຍຢູ່ພາກເໜືອ ຕັ້ງໜ້າໃນຂະບວນການ Startup; ປະກອບສ່ວນຊຸກຍູ້ ແລະ ແຜ່ຂະຫຍາຍຄວາມມຸ່ງຫວັງ, ບືນຕົວຂຶ້ນ, ຫລຸດພົ້ນອອກຈາກຄວາມທຸກຍາກ, ຫຼ້າຫຼັງ, ສ້າງຄວາມຮັ່ງມີຢ່າງເປັນທຳ.