(ລາຍການສະແດງສິລະປະ “ສຽງກັງວານແມ່ນ້ຳເຮືອງ”)

ລາຍການໄດ້ສ້າງຄວາມປະທັບໃຈ, ຄວາມດຶງດູດ, ໄໝ່ອ່ຽມຕໍ່ຜູ້ຊົນຊາວເຫ້ວ ແລະ ນັກທ່ອງທ່ຽວຢູ່ Festival ເຫ້ວ ເປັນຈຳນວນຫຼວງຫຼາຍໃນຄັ້ງນີ້.

      “ສຽງກັງວານແມ່ນ້ຳເຮືອງ” ແມ່ນການເລົ່າເລື່ອງກ່ຽວກັບຮອບອອມຊີວີດຂອງປະຊາຊົນດຳລົງຊີວິດບົນແມ່ນ້ຳເຮືອງ ນັບແຕ່ຕອນຮັກກັນ, ແຕ່ງງານ, ເກີດລູກ ຕະຫຼອດຮອດເວລາລູກເຕີບໃຫຍ່, ສືບທອດປູຍ່າຕາຍາຍເຮັດອາຊີບບົນແມ່ນ້ຳ, ແລ້ວສິ້ນສຸດ, ຫຼັງຈາກນັ້ນເປີດຮອບຊີວິດໃໝ່, ລຸ້ນຕໍ່ໆໄປ. ທ່ານ ຟານຕ໋ຽນຢຸງ, ຫົວໜ້າພະແນກວັດທະນະທຳ, ກິລາ ແລະ ທ່ອງທ່ຽວແຂວງເທື່ອທຽນເຫ້ວ, ໃຫ້ຮູ້ວ່າ.

      “ນີ້ແມ່ນລາຍການສະແດງສິລະປະທີ່ເປັນເອກະລັກສະເພາະ. ຍ້ອນນັບແຕ່ກ່ອນມາຮອດປະຈຸບັນ, Festival ເຫ້ວ ຄັ້ງຕ່າງໆໄດ້ມີບັນດາປັດໃຈວັດທະນະທຳພະລາດຊະວັງ, ແຕ່ໃນ Festival ຄັ້ງນີ້ມີບາງລາຍການໄດ້ຈັດຕັ້ງດ້ວຍຂອບຂະໜາດໃຫຍ່ກວ່າ ເພື່ອສະແດງໃຫ້ເຫັນປັດດ້ານວັດທະນະທຳດີທີ່ເດັ່ນ, ເປັນເອກະລັກສະເພາະຂອງເຫ້ວ”.

ເຊິ່ງເປັນຜູ້ຊົມຄົນໜຶ່ງທີ່ເຂົ້າຮ່ວມລາຍການສະແດງສິລະປະດັ່ງກ່າວ, ທ່ານ Sarti Massimo, ຊາວແບນຊິກ ດຳລົງຊີວິດຢູ່ເຫ້ວ ເປັນເວລາຫຼາຍປີ, ໃຫ້ຮູ້ວ່າ.

      “ຂ້າພະເຈົ້າຄິດວ່າ, ນີ້ແມ່ນໜຶ່ງໃນບັນດາລາຍການສະແດງສິລະປະດີທີ່ດີເລີດເຊິ່ງຂ້າພະເຈົ້າໄດ້ຮັບຊົມໃນ Festival ທຸກຄັ້ງ. ປັດໃຈພື້ນເມືອງ, ມູນເຊື້ອໄດ້ສະແດງອອກຜ່ານທຸກຕອນໃນການສະແດງຂອງລາຍການຄືການຫາປາບົນແມ່ນ້ຳ, ແສງດອກໄຟຂອງລາຍການ… ມັນໄດ້ສະແດງໃຫ້ເຫັນຊີວິດປະຈຳວັນທີ່ລຽບງ່າຍຂອງປະຊາຊົນ. ຂ້າພະເຈົ້າມັກລາຍການນີ້ຫຼາຍ”.