ພາບປະກອບ: VOV

ຕອນບ່າຍວັນທີ 26 ມິຖຸນາ, ພະແນກການທ່ອງທ່ຽວແຂວງ ບ່າເຣ້ຍ - ຫວູງເຕົາ ໃຫ້ຮູ້ວ່າ ລາຍການ “ຂີດໝາຍລະດູຮ້ອນປີ 2023” ຈະເອົາ ລາຍການ “ສິລະປະຢູ່ທະເລ” ແມ່ນລາຍການພົ້ນເດັ່ນເພື່ອດຶງດູດແຂກທ່ອງທ່ຽວ.  “ຂີດໝາຍລະດູຮ້ອນ ປີ 2023” ທີ່ມີຫົວຂໍ້ “The Sound of Summer 2023”, ຈະດຳເນີນໃນລະຫວ່າງວັນທີ 22 – 23 ກໍລະກົດ ຢູ່ເຂດໜອງ ຈ່າມ, ເມືອງ ຊວຽນມົກ, ແຂວງ ບ່າເຣ້ຍ - ຫວູງເຕົາ. ລາຍການສະແດງສິລະປະ ດ້ວຍຫົວຂໍ້ “The Sound of Summer 2023” ໂດຍມີການເຂົ້າຮ່ວມສະແດງສິລະປະຂອງບັນດານັກດົນຕີ, ວົງດົນຕີ, ມີການສົມທົບກັນລະຫວ່າງເຕັກໂນໂລຢີສຽງ, ແສງສະຫວ່າງທີ່ເປັນເອກະລັກສະເພາະ ເພື່ອສ້າງວັນບຸນດົນຕີທີ່ທັນສະໄໝ, ມີຫຼາຍສີສັນໃຫ້ແກ່ຜູ້ຊົມ.

ນອກຈາກນັ້ນ, ໃນຂອບເຂດລາຍການດັ່ງກ່າວ ຍັງມີບັນດາການເຄື່ອນໄຫວຄື: ວັນບຸນວ່າວ “ສີສັນລະດູຮ້ອນ”, ບັນດາການເຄື່ອນໄຫວກິລາທະເລ, “ເຍື່ອງອາຫານແຊບນົວຍາມລະດູຮ້ອນ”ດ້ວຍການເຂົ້າຮ່ວມຂອງຮ້ານວາງສະແດງ ແລະ ຂາຍອາຫານ 50 ແຫ່ງຂອງບັນດາຮ້ານອາຫານພັດຕະຄານ ແລະ ໂຮງແຮມຈະນຳບັນດາເຍື່ອງອາຫານທີ່ພົ້ນເດັ່ນ ພ້ອມກັບການເຄື່ອນໄຫວສະແດງສິລະປະຕາມທ້ອງຖະໜົນໃຫ້ແກ່ແຂກທ່ອງທ່ຽວ.

ຕາມພະແນກການທ່ອງທ່ຽວແຂວງ ບ່າເຣ້ຍ - ຫວູງເຕົ່າແລ້ວ, ບັນດາເຫດການຈະຈັດຂຶ້ນປະຈຳປີ ແລະ ນັບມື້ນັບໄດ້ຮັບການຍົກລະດັບເພື່ອຮັບໃຊ້ແຂກທ່ອງທ່ຽວໃນລະດູຮ້ອນ, ສ້າງບັນຍາກາດວັນບຸນທີ່ຟົດຟື້ນມ່ວນຊື່ນ, ແນະນຳການບໍລິການທ່ອງທ່ຽວທີ່ມີຄວາມຫຼາກຫຼາຍຢູ່ທ້ອງຖິ່ນໃຫ້ແກ່ແຂກທ່ອງທ່ຽວ.