ລາວ ມອບຫຼຽນໄຊ, ຫຼຽນກາໃຫ້ແກ່ໝູ່ຄະນະ, ບຸກຄົນຢູ່ນະຄອນ ດ່າໜັງ
ທ່ານ ຄຳບຸ່ນ ດ້ວງປັນຍາ ຕາງໜ້າໃຫ້ພັກ, ລັດ ລາວມອບຫຼຽນໄຊ, ຫຼຽນກາໃຫ້ 25 ໝູ່ຄະນະ ແລະ ບຸກຄົນຂອງນະຄອນ ດ່າໜັງ
(ພາບ: QDND)
(vovworld) – ໃນໂອກາດນີ້, ມີ 25 ໝູ່ຄະນະ ແລະ ບຸກຄົນຂອງນະຄອນໄດ້ຮັບຫຼຽນໄຊ, ຫຼຽນກາຈາກລັດຖະບານ ລາວ, ຮັບຮູ້ບັນດາຜົນງານດີເດັ່ນຂອງໝູ່ຄະນະ, ບຸກຄົນຂອງນະຄອນ ດ່າໜັງ ໃນການເພີ່ມພຸນຄຸນສ້າງສາຍພົວພັນມິດຕະພາບ ລາວ - ຫວຽດນາມ ເວົ້າລວມ, ແຂວງ ສາລະວັນ ແລະ ນະຄອນ ດ່າໜັງເວົ້າສະເພາະ. ທ່ານ ຄຳບຸ່ນ ດ້ວງປັນຍາ, ກຳມະການສູນກາງພັກປະຊາຊົນປະຕິວັດລາວ, ເລຂາຄະນະພັກ, ເຈົ້າແຂວງ ສາລະວັນ, ໃຫ້ຮູ້ວ່າ: “ພວກຂ້າພະເຈົ້າສະແດງຄວາມຮູ້ບຸນຄຸນຢ່າງເລິກເຊິ່ງເຖິງຕໍ່ອົງຄະນະພັກ, ອຳນາດການປົກຄອງ ແລະ ປະຊາຊົນນະຄອນ ດ່າໜັງ ທີ່ໄດ້ຊ່ວຍເຫຼືອຢ່າງທັນການ ແລະ ມີປະສິດທິຜົນໃນພາລະກິດສ້າງສາ ແລະ ພັດທະນາເສດຖະກິດຕາແສງຂອງແຂວງ ສາລະວັນ. ມູນເຊື້ອອັນດີງາມ, ການພົວພັນແບບພິເສດ ແລະ ນ້ຳໃຈມິດຕະພາບທີ່ບໍລິສຸດຜຸດຜ່ອງນີ້ໄດ້ເຮັດໃຫ້ປະຊາຊົນ 2 ແຂວງ ມີຄວາມເຊື້ອໝັ້ນໃນການພັດທະນາກໍ່ຄືອະນາຄົດອັນສົດໃສຂອງ 2 ພັກພວກເຮົາ.”