ວິກິດການຢູ່ຢູກແຣນ ໄດ້ເຮັດໃຫ້ລາຄາສະບຽງອາຫານໂລກເພີ່ມຂື້ນສູງ
ປະລິມານການຜະລິດທັນຍາຫານອາດຈະຮັບຜົນສະທ້ອນ ຍ້ອນວິກິດການການເມືອງຢູ່ຢູກແຣນ (ພາບ:AFP)
|
(vovworld)- ດິນຟ້າອາກາດທີ່ຮ້າຍແຮງຢູ່ບັນດາປະເທດຜະລິດສະບຽງ ອາຫານ ແລະ ວິກິດການການເມືອງຢູ່ຢູກແຣນ, ຊຶ່ງແມ່ນປະເທດສົ່ງອອກທັນຍາຫານຫຼາຍອັນດັບໜຶ່ງໃນໂລກ, ນີ້ແມ່ນ 2 ປັດໄຈທີ່ເຮັດໃຫ້ລາຄາສະບຽງອາຫານໃນໂລກໃນເດືອນທີ່ຜ່ານມາ ເພີ່ມຂຶ້ນດ້ວຍລະດັບສູງສຸດໃນຮອບ 10 ເດືອນມານີ້.
ບົດລາຍງານທີ່ປະກາດເມື່ອວັນທີ 3/4 ຂອງອົງການອາຫານ ແລະ ກະເສດແຫ່ງສະຫະປະຊາຊາດ FAO ໃຫ້ຮູ້ວ່າ ບັນດາການຜັນແປດ້ານການເມືອງ ແລະ ດິນຟ້າອາກາດໄດ້ເຮັດໃຫ້ດັດຊະນີລາຄາສະບຽງອາຫານໃນແຕ່ລະເດືອນເພີ່ມຂຶ້ນ 4,4 ຄະແນນ, ບັນລຸ 212,8 ຄະແນນ, ເພີ່ມຂຶ້ນ 2,3% ເມື່ອທຽບໃສ່ເດືອນ 2 ແລະ ແມ່ນລະດັບສູງສຸດນັບຕັ້ງແຕ່ເດືອນ 5/2013 ເປັນຕົ້ນມາ. ເພີ່ມຂຶ້ນແຮງກວ່າໝູ່ ແມ່ນນ້ຳຕານ, ຈາກນັ້ນແມ່ນທັນຍາຫານ. ລາຄາ ທັນຍາຫານເພີ່ມຂຶ້ນໄດ້ສ່ອງແສງໃຫ້ເຫັນບັນດາຄວາມວິຕົກກັງວົນຂອງຕະຫຼາດກ່ຽວກັບແຫຼ່ງສະໜອງຈາກຢູກແຣນ. ຈາກສະພາບຕົວຈິງດັ່ງກ່າວ, ອົງການອາຫານ ແລະ ກະເສດແຫ່ງສະຫະປະຊາຊາດ FAO ໄດ້ຫຼຸດລະດັບຄາດຄະເນກ່ຽວກັບປະລິມານການຜະລິດທັນຍາຫານທີ່ສະໜອງໃຫ້ຕະຫຼາດທົ່ວໂລກໃນປີນີ້ລົງເຫຼືອພຽງ 702 ລ້ານໂຕນ, ຕ່ຳກ່ວາ 2 ໂຕນເມື່ອທຽບໃສ່ການຄາດຄະເນກ່ອນນັ້ນ.