(vovworld) –  ​ບັນ​ດາການ​ຖະ​ແຫຼງ​ຢ່າງ​ຕໍ່​ເນື່ອງ​ຂອງ​ກົມ​ສືບ​ສວນ​ສອບ​ສວນ​ສະ​ຫະ​ລັດ ອາ​ເມ​ລິ​ກາ (FBI) ທີ່​ມີ​ລັກ​ສະ​ນະບໍ່​​ມີ​ຜົນ​ດີ​ຕໍ່​ຜູ້​ສະ​ໝັກ​ຮັບ​ເລືອ​ກ​ຕັ້ງ​ຂອງ​ພັກ​ປະ​ຊາ​ທິ​ປະ​ໄຕ ​ທ່ານ​ນາງ Hillary Clinton ​ບໍ່ມີ​ຄ​ວາມ​ສາ​ມາດຫຼາຍ​ຢ່າງ​ທີ່​ນາບ​ຂູ່​​ເຖິງ​ໝາກ​ຜົນ​ການ​ເລືອກ​ຕັ້ງ​ປະ​ທາ​ນາ​ທິ​ບໍ​ດີ​ໃນ​ວັນ​ທີ 8/11 ຈະ​ມາ​ເຖິງ, ເຊິ່ງ​ເຄີຍ​ໄດ້​ຮັບ​ການ​ຄາ​ດ​ຄະ​ເນ​ວ່າ ຈະ​ແມ່ນ​ໄຊ​ຊະ​ນະ​ຂອງ​ອະ​ດີດ​ລັດ​ຖະ​ມົນ​ຕີ​ການ​ຕ່າງ​ປະ​ເທດ ອ​າ​ເມ​ລິ​ກາ, ແຕ່​ຈະ​ນຳ​ຜົນ​ກະ​ທົບ​ທີ່ບໍ່​ດີ​ມາ​ໃຫ້​​​ອຳ​ນາດ​ການ​ປົກ​ຄອງຂອງ​ພັກ​ປະ​ຊາ​ທິ​ປະ​ໄຕພາຍຫຼັງ​ການ​ເລືອກ​ຕັ້ງ. ຕາມ​ວົງ​ການ​ນັກ​ສັງ​ເກດ​ການ​ແລ​້ວ, ບັນ​ດາ​ການ​ກະ​ທຳ​ໃໝ່​ຂອງ FBI ມີ​ຄວາມ​ສາ​ມາດຫຼາຍ​ຢ່າງ​ຈະ​ສົ່ງ​ຜົນ​ກະ​ທົບ​ເຖິງ​ກຸ່ມ​ຜູ້​ມີ​ສິດ​ເລືອກ​ຕັ້ງ​​ທີ່ກຳ​ລັງ​ລັ່ງ​ເລ​​ໃຈຂອງ​ພັກ​ສາ​ທາ​ລະ​ນະ, ​ຊຶ່ງ​ແມ່ນບັນ​ດາ​ຜູ້ບໍ່​ສະ​ໜັບ​ສະ​ໜູນ​ທ່ານ Donald Trump ແລະ ພວມ​ຄິດ​ໄລ່​ຊັ່ງ​ຊາ​ຈະ​ສະ​ໜັບ​ສະ​ໜູນ​ທ່ານ​ນາງ Hillary Clinton. ຖ້າ​ບັນ​ດາ​ຜູ້​ມີ​ສິດ​ເລືອກ​ຕັ້ງ​ນີ້​ເລືອກ​ເຟັ້ນ “ສະ​ໜັບ​ສະ​ໜູນ” ພັກ​ຂອງ​ຕົນ, ທ່ານ​ນາງ Hillary Clinton ຍັງ​ມີ​ຄວາມ​ສາ​ມາດ​ຍາດ​ໄດ້​ໄຊ​ຊ​ະ​ນະ​ສູງ ແຕ່​ດ້ວຍ​ຕົວ​ເລກ​ຫວຸດ​ວັດ​ກ່​ວາ​ກັບ​ບັນ​ດາ​ການ​ຄາ​ດ​ຄະ​ເນ​ກ່ອນນັ້ນ. ຄຽງ​ຄູ່​ກັນ​ນັ້ນ, ເຫດ​ການນີ້ກໍ່​ນາບ​ຂູ​ເຖິງ​​ການ​ຈຳ​ກັດທ່າ​ແຮງ​ຂອງ​ພັກ​ປະ​ຊາ​ທິ​ປະ​ໄຕ​ໃນ​ການ​ເລືອກ​ຕັ້ງ​ສະ​ພາ​ແຫ່ງ​ຊາດ ກໍ່​ຄື​ນຳ​ສິ່ງທ້າ​ທາຍຫຼາຍ​ຢ່າງ​ມາໃຫ້​ໄລ​ຍະ​ຕົ້ນ​ເມື່ອ​ທ່ານ​ນາງ Hillary Clinton ຮັບ​ດຳ​ລົງ​ຕຳ​ແໜ່ງ.