ກອງປະຊຸມສຸດຍອດລະຫວ່າງອາເມລິກາ - ສປປ.ເກົາຫຼີ ຄັ້ງທີ 2 ຈະບັນລຸໄດ້ບັນດາບາດກ້າວຕັ້ງໜ້າ ແລະ ແກ້ໄຂໄດ້ບັນດາບັນຫາກ່ຽວກັບນິວເຄຼຍ, ລູກສອນໄຟຂອງພຽງຢາງ ກໍ່ຄືພົນລະເມືອງຂອງຍີ່ປຸ່ນ ຖືກສປປ.ເກົາຫຼີ ລອກຈັບຕົວ ໂດຍສັງເຂບ. ທ່ານນາຍົກລັດຖະມົນຕີ Abe ຢືນຢັນວ່າ, ຍີ່ປຸ່ນ ຈະສືບຕໍ່ຮ່ວມມືກັບອາເມລິກາ ຢ່າງແໜ້ນແຟ້ນ ເພື່ອປຶກສາຫາລືກ່ຽວກັບວິທີການລະອຽດ, ກໍຄືສັນຕິພາບ ແລະ ຄວາມປອດໄພໃນແຫຼມເກົາຫຼີ.

        ວັນທີ 26 ກຸມພາ, ທ່ານ Dmitri Peskov, ເລຂາດ້ານການຂ່າວຂອງປະທານາທິບໍດີລັດເຊຍ ຖະແຫຼງວ່າ, ລັດເຊຍ ພອມແລ້ວທີ່ຈະຊົມເຊີຍໝາກຜົນກອງປະຊຸມສຸດຍອດລະຫວ່າງອາເມລິກາ - ສປປ.ເກົາຫຼີ, ດ້ວຍບັນດາເງື່ອນໄຂເຊິ່ງ 2 ຝ່າຍບັນລຸໄດ້ຄວາມກ້າວໜ້າໃນການແກ້ໄຂບັນດາບັນຫານິວເຄຼຍ ຢູ່ພາກພື້ນ ແລະ ຫຼຸດຜ່ອນຄວາມເຄັ່ງຕຶງໃນແຫຼມເກົາຫຼີ.

        ແລະກໍ່ໃນວັນດຽວກັນ, ໂຄສົກກະຊວງການຕ່າງປະເທດຈີນ ລຸກາງ ຢືນຢັນວ່າ, ທຸກໆປະເທດໃນໂລກ, ລວມທັງຈີນ ກໍ່ຫວັງວ່າ ສປປ.ເກົາຫຼີ ແລະ ອາເມລິກາ ຈະສືບຕໍ່ສ້າງບັນດາບາດກ້າວຢ່າງແນ່ນອນກ່ຽວກັບເລື່ອງປອດນິວເຄຼຍ, ສ້າງສັນຕິພາບ ແລະ ສະຖຽນລະພາບໃນແຫຼມເກົາຫຼີ, ບົນພື້ນຖານໝາກຜົນເຊິ່ງ 2 ຝ່າຍບັນບັນລຸໄດ້.