ທ່ານນາຍົກລັດຖະມົນຕີອັງກິດ David Cameron

(ພາບ:vietnamplus.vn)

(vovworld) – ທ່ານ​ຮອງ​ນາຍົກລັດຖະມົນຕີອັງກິດ Nick Clegg ຫາ​ກໍ່​ອອກ​ສຽງ​ກ່າວ​ເຕືອນ​ທ່ານນາຍົກລັດຖະມົນຕີອັງກິດ David Cameron ບໍ່​ຄວນ​ຖອນ​ອອກ​ຈາກ​ສະຫະພາບ​ເອົລົບ (EU). ທ່ານ Nick Clegg  ​ໄດ້​ຍົກ​ອອກ​ຄຳ​ກ່າວ​ເຕືອນ​ດັ່ງກ່າວ ​ໃນ​ສະພາບ​ການ​ທີ່ທ່ານນາຍົກລັດຖະມົນຕີອັງກິດ David Cameron ພວມ​ມີ​ແຜນການ​ຍົກ​ອອກ​ວິທີການ​ສຳ​ພັດ​ໃໝ່​ໃຫ້​ແກ່​ບັນຫາ​ນີ້​ໃນ​ບົດ​ກ່າວ​ຄຳ​ປາ​ໃສ​ໃນ​ໂອກາດ​ບຸນປີ​ໃໝ່ 2013 ຍ້ອນ​ກຳລັງ​ດັນ​ຈາກ​ບັນດາ​ສະມາຊິກ​ໃນ​ພັກ​ຮັກສາ​ເດີມ​ຂອງ​ຕົນ. ຕາມ​ນັ້ນ​ແລ້ວ, ທ່ານ David Cameron ຖືກຕັ້ງຄວາມ​ຫວັງ​ວ່າ​ຈະ​ຮຽກຮ້ອງ​ໃຫ້ EU ມອບສິດ​ອຳນາດ​ສ່ວນ​ໜຶ່ງ​ໃຫ້​ແກ່ອັງກິດ ​ເພື່ອ​ແລກ​​ເອົາ​ເລື່ອງ​ຕົກລົງ​ປະຕິບັດ​ບັນດາ​ມາດ​ຕະການ​ປະຕິ​ຮູບ​ດ້ານ​ການ​ເງິນຢູ່ພາກ​ພື້ນ​ໃຊ້​ສະກຸນ​ເງິນ​ເອີ​ໂຣ (Eurozone). ທ່ານ​ຮອງ​ນາຍົກລັດຖະມົນຕີອັງກິດ Nick Clegg ກໍ່​ປະຕິ​ເສດ​​ເລື່ອງຈັດການ​ລົງ​ປະຊາ​ມະຕິ ​ແລະ ຖື​ວ່າ: ປະຈຸ​ບັນ, ອັງກິດ ຄວນ​ສຸມ​ໃສ່ປະຕິບັດບົດບາດນຳ​ພາ​ຢູ່​ເອີ​ລົບ ດ້ວຍ​ການ​ສົມທົບ​ກັບບັນດາ​ປະ​ເທດ EU ​ເພື່ອ​ແກ້​ໄຂ​ວິ​ກິດ​ການ​ໜີ້​ສາທາລະນະ ​ແລະ ນຳ Eurozone ຫລຸດ​ພົ້ນອອກ​ຈາກ​ສະພາບ​ຫຍຸ້ງຍາກ​ໃນ​ປະຈຸ​ບັນ.