ຕອນຄ່ຳວັນທີ 21 ມັງກອນ, ຢູ່ຮ່າໂນ້ຍ, ກະຊວງແຮງງານ, ທະຫານເສຍອົງຄະ ແລະ ສັງຄົມ ໄດ້ຈັດຕັ້ງລາຍການ “ລະດູບານໃໝ່ເພື່ອນ້ອງ” ຄັ້ງທີ 11. ເຂົ້າຮ່ວມລາຍການມີທ່ານນາງ ເຈືອງທິມາຍ, ຫົວໜ້າຄະນະຂົນຂວາຍປະຊາຊົນສູນກາງ, ທ່ານນາງ ດັ້ງທິງອັກທິ້ງ, ຮອງປະທານປະເທດ ພ້ອມກັບຜູ້ຕາງໜ້າບັນດາກະຊວງ, ຂະແໜງການ, ອົງການຈັດຕັ້ງມະຫາຊົນສູນກາງ.

        ກ່າວຄຳເຫັນໄຂລາຍການ, ທ່ານນາງ ດັ້ງທິງອັກທິ້ງ, ຮອງປະທານປະເທດ, ປະທານສະພາໜູນຊ່ວຍກອງທຶນອຸປະກະລະເດັກ ຫວຽດນາມ ເນັ້ນໜັກວ່າ: 25 ປີຜ່ານມາ, ກອງທຶນອຸປະກະລະເດັກ ຫວຽດນາມ ໄດ້ປະຕິບັດສຳເລັດໜ້າທີີ່, ເຊື່ອມຕໍ່ບັນດາຜູ້ໃຈບຸນໃຈກຸສົນທັງຢູ່ພາຍໃນ ແລະ ຕ່າງປະເທດ ເພື່ອລະດົມແຫຼ່ງກຳລັງເຖິງເດັກນ້ອຍຫຼາຍຄົນທີ່ຕ້ອງການຊ່ວຍເຫຼືອ. ຮອດປະຈຸບັນ, ກອງທຶນໜູນຊ່ວຍບັນລຸໄດ້ 5.500 ຕື້ດົ່ງ ແລະ ເດັກນ້ອຍກ່ວາ 33 ລ້ານເທື່ອຄົນໄດ້ຮັບການຊ່ວຍເຫຼືອ. ທ່ານນາງຮອງປະທານປະເທດ ດັ້ງທິງອັກທິ້ງ ຮຽກຮ້ອງໃຫ້ບັນດາອົງການ, ບຸກຄົນພາຍໃນ ແລະ ຕ່າງປະເທດ ສືບຕໍ່ຮ່ວມແຮງຮ່ວມໃຈ, ຮ່ວມເດີນທາງພ້ອມກັບກອງທຶນອຸປະກະລະເດັກ ຫວຽດນາມ ເພື່ອມີແຫຼ່ງກຳລັງໜູນຊ່ວຍ, ຊ່ວຍເຫຼືອເດັກນ້ອຍໃຫ້ຫຼາຍກ່ວາອີກ.

        ລາຍການສິລະປະ “ລະດູບານໃໝ່ເພື່ອນ້ອງ” 2018 ລວມມີ ບັນດາລາຍການຮ້ອງລຳ, ທຳເພັງໂດຍບັນດານັກຮ້ອງ, ນັກສິລະປະການສະແດງ. ທີ່ລາຍການ, ກອງທຶນອຸປະກະລະເດັກ ຫວຽດນາມ ໄດ້ຮັບເອົາຈຳນວນເງິນເກືອບ 96 ຕື້ດົ່ງຈາກບັນດາອົງການ, ສ່ວນບຸກຄົນ, ວິສາຫະກິດ, ບັນດາຜູ້ໃຈບຸນໃຈກຸສົນພາຍໃນ ແລະ ຕ່າງປະເທດ.