(ພາບປະກອບ: Dinh Hue/TTXVN)

ດ້ວຍການເຕີບໂຕທີ່ໜ້າປະເອີບໃຈນັ້ນ, ເຂົ້າສານແມ່ນຜະລິດຕະພັນຢືນອັນດັບທີ 4 ໃນຈຳນວນ 5 ປະເພດສິນຄ້າຂອງຫວຽດນາມ ທີ່ໄດ້ສົ່ງອອກໄປຍັງມາເລເຊຍ ໃນ 5 ເດືອນຕົ້ນປີ ເຊິ່ງບັນລຸໄດ້ວົງເງິນກວ່າ 100 ລ້ານ USD ໃນນັ້ນລວມມີ: ໂທລະສັບ ແລະເຄື່ອງອາໄຫຼ່; ຄອມພິວເຕີ, ຜະລິດຕະພັນເອເລັກໂຕນິກ ແລະເຄື່ອງອາໄຫຼ່; ຜະລິດຕະພັນເຫຼັກກ້າປະເພດຕ່າງໆ; ເຂົ້າສານ;ແກ້ວ ແລະ ບັນດາຜະລິດຕະພັນທີ່ເຮັດຈາກແກ້ວ.

        ທ່ານ ຟ້າມກັວກແອັງ, ທີ່ປຶກສາທູດການຄ້າຫວຽດນາມປະຈຳ ມາເລເຊຍ, ໃຫ້ຮູ້ວ່າ: ການສົ່ງອອກເຂົ້າສານຂອງຫວຽດນາມໄປຍັງຕະຫຼາດຂອງມາເລເຊຍ ມີການເຕີບໂຕຢ່າງແຮງ ຍ້ອນວ່າ ແຫຼ່ງສະໜອງຈາກບັນດາປະເທດອື່ນຫຼຸດລົງ, ບັນດາວິສາຫະກິດຫວຽດນາມຍູ້ແຮງການສົ່ງອອກບັນດາຜະລິດຕະພັນເຂົ້າຫອມ, ເຂົ້າອ່ອນດີ ແລະ ອື່ນໆ ເຊິ່ງຫວຽດນາມມີທ່າໄດ້ປຽບດ້ານລາຄາ. ໄປຄຽງຄູ່ກັນນັ້ນ, ບັນດາການເຄື່ອນໄຫວສົ່ງເສີມການຄ້າສິນຄ້າປະເພດເຂົ້າສານ ຄື ເຂົ້າຮ່ວມບັນດາງານຕະຫຼາດນັດ, ງານວາງສະແດງສິນຄ້າໃຫຍ່ກ່ຽວກັບຜະລິດຕະພັນກະເສດ, ສະບຽງອາຫານ; ບັນດາກອງປະຊຸມສຳມະນາ, ການເຊື່ອມຕໍ່ດຳເນີນທຸລະກິດກັບບັນດາວິສາຫະກິດມາເລເຊຍ ກໍ່ໄດ້ຮັບການເພີ່ມທະວີ ໂດຍໄດ້ຮັບການໜູນຊ່ວຍຈາກອົງການການຄ້າ.