ງານປະກວດໄດ້ຮັບການຈັດຕັ້ງແຕ່ວັນທີ 18 – 21 ສິງຫາ 2017 ເພື່ອແນໃສ່ປະກອບສ່ວນເພີ່ມທະວີການພົວພັນແລກປ່ຽນວັດທະນະທຳລະຫວ່າງບັນດາປະເທດສະມາຊິກ ອາຊຽນ ແລະ 3 ປະເທດຖືກເຊີນແມ່ນ: ຈີນ, ສ. ເກົາຫຼີ, ຍີ່ປຸ່ນ. ຜ່ານດົນຕີ, ພົນລະເມືອງບັນດາປະເທດ ອາຊຽນ ແລະ ບັນດາປະເທດໃນໂລກ ມີຄວາມເຂົ້າໃຈຕື່ມກ່ຽວກັບພື້ນຖານວັດທະນະທຳທີ່ອຸດົມສົມບຸນ, ຫຼາຍຮູບຫຼາຍສີຂອງບັນດາປະເທດ ອາຊຽນ. ເປັນຄັ້ງທຳອິດ, ງານປະກວດເພງ Pop ສະຫງວນໃຫ້ນັກຮ້ອງໜຸ່ມວິຊາການ ອາຍຸແຕ່ 18 – 35 ຂອງ 10 ປະເທດ ອາຊຽນ ໂດຍ VOV ຈັດຕັ້ງຈະແມ່ນເຫດການວັດທະນະທຳລວມເພື່ອແນໃສ່ສ້າງຂົວຕໍ່ສັນຕິພາບ, ມິດຕະພາບ ພ້ອມກັນພັດທະນາລະຫວ່າງບັນດາປະເທດສະມາຊິກ ອາຊຽນ ແລະ 3 ປະເທດບ້ານໃກ້ເຮືອນຄຽງ ຈີນ, ສ. ເກົາຫຼີ, ຍີ່ປຸ່່ນ.

        ນັກຮ້ອງຂອງ 10 ປະເທດ ອາຊຽນ ຈະເຂົ້າຮ່ວມຮອບຄັດເລືອກ ແລະ ຮອບຊິງຊະນະເລີດໃນວັນທີ 19 ແລະ 20 ສິງຫາ, ໄດ້ຖ່າຍທອດສົດໃນຊ່ອງໂທລະພາບ ແລະ ວິທະຍຸຂອງ VOV. ເວລາຈົດທະບຽນເຂົ້າຮ່ວມງານປະກວດເລີ່ມແຕ່ວັນທີ 1 ມິຖຸນາ ຫາວັນທີ 10 ກໍລະກົດ 2017. ເພື່ອຈົດທະບຽນເຂົ້າຮ່ວມງານປະກວດດັ່ງກ່າວ, ນັກຮ້ອງເຂົ້າຮ່ວມສາມາດຈົດທະບຽນໃນແວັບໄຊ www.aseansongcontest.com ຫຼື ສົ່ງ file  ອັດສຽງຂັບຮ້ອງ 2 ບົດເພງເຂົ້າຮ່ວມງານປະກວດພ້ອມກັບເນື້ອໃນບົດເພງຂຽນດ້ວຍພາສາ ອັງກິດ ແລະ ແບບຟອມຈົດທະບຽນເຖິງອີແມວ: aseansongcontest@gmail.com.