ວິທະຍຸກະຈາຍສຽງຫວຽດນາມ ມອບເງິນຂອງວິສາຫະກິດ ສະໜັບສະໜູນພະນັກງານການແພດຕ້ານໂລກລະບາດໂຄວິດ -19
(VOVWORLD) -ຕອນເຊົ້າວັນທີ 27 ມີນາ, ຜູ້ຕາງໜ້າວິທະຍຸກະຈາຍສຽງຫວຽດນາມ ໄດ້ໄປ ມອບຂອງຂວັນທີ່ມີມູນຄ່າ 500 ລ້ານດົ່ງ ຂອງວິສາຫະກິດ ສະໜັບສະໜູນພະນັກງານການແພດຕ້ານໂລກລະບາດໂຄວິດ -19 ຢູ່ໂຮງໝໍເຂດຮ້ອນສູນກາງ.
ນີ້ແມ່ນຈຳນວນເງິນ ໂດຍບໍລິສັດຫຸ້ນສ່ວນລົງທຶນ ແລະ ພັດທະນາບ໋າວງວຽນ ມອບຜ່ານວິທະຍຸກະຈາຍ ສຽງຫວຽດນາມ ໄປໃຫ້ພະນັກງານການແພດຂອງ ໂຮງໝໍເຂດຮ້ອນສູນກາງ ຮາກຖານ 2 ຢູ່ກີມຈຸງ, ດົງແອັງ, ຮ່າໂນ້ຍ.
ທ່ານ ດຣ ເລວັນຢຸ້ງ ຮອງຜູ້ອຳນວຍການຮັບຜິດຊອບເສດຖະກິດຂອງໂຮງໝໍດັ່ງກ່າວ ໄດ້ກ່າວຜ່ານວິທະຍຸກະຈາຍສຽງຫວຽດນາມ ສະແດງຄວາມຂອບໃຈນຳຂອງຂວັນຂອງບໍລິສັດຫຸ້ນສ່ວນລົງທຶນ ແລະ ພັດທະນາບ໋າວງວຽນ. ທ່ານເວົ້າວ່າ:
ທົ່ວສັງຄົມພວມມີຄວາມເອົາໃຈໃສ່ ແລະ ແບ່ງປັນທັງດ້ານຈິດໃຈ ແລະ ວັດຖຸ ໃຫ້ແກ່ພະນັກງານ, ພາລະກອນໃນໂຮງໝໍ, ຖັນແຖວແພດໝໍ ກໍ່ມີຄວາມເຊື່ອໝັ້ນຕໍ່ຕົນເອງກ່ວາ ແລະ ເຫັນວ່າ ຢູ່ເບື້ອງຫຼັງ, ທຸກຄົນກໍ່ພວມໃຫ້ການສະໜັບສະໜູນ, ປະກອບສ່ວນນຳກັນ ເພື່ອປະຕິບັດບັ້ນຕ້ານໂລກລະບາດໂຄວິດ-19 ນີ້.