ພາບປະກອບ

    ແຕ່ລະປີ ວັນກຳມະກອນສາກົນ ວັນທີ 1 ພຶດສະພາ ແມ່ນເຫດການສະເຫຼີມສະຫຼອງ ວັນກະທຳຂອງຂະບວນການກຳມະກອນສາກົນ ແລະ ຂອງຜູ້ອອກແຮງງານໃນທົ່ວໂລກ, ດ້ວຍການເຄື່ອນໄຫວຫຼາຍຢ່າງຖືກຈັດຂຶ້ນ ເພື່ອເຊີດຊູບັນດາຜູ້ມີຄວາມມານະພະຍາຍາມພັດທະນາເສດຖະກິດແຫ່ງຊາດ. ແຕ່ວ່ານັບແຕ່ຕົ້ນປີ 2020 ມາຮອດປັດຈຸບັນ, ພາຍຫຼັງກວ່າສອງປີທີ່ໂລກຖືກປີ້ນຂວ້ຳຍ້ອນໂຄວິດ - 19, ອາດຈະເຫັນໄດ້ວ່າໂລກລະບາດ ໄດ້ສົງຜົນກະທົບຕໍ່ທຸກດ້ານຂອງຊີວິດເສດຖະກິດ ແລະ ສັງຄົມຂອງທຸກໆຄົນ,ອັນໄດ້ເຮັດໃຫ້ພື້ນຖານເສດຖະກິດຂອງໂລກ ຖືກຕົກເຂົ້າສູ່ເຂົ້າທ່າຊຸດໂຊມ ແລະ ອັດຕາການວ່າງງານເພີ່ມຂຶ້ນສູງທີ່ສຸດ.

     ໃນບົດລາຍງານ “ແງ່ຫວັງຂອງວຽກເຮັດງານທຳ ແລະ ສັງຄົມໃນໂລກ” ທີ່ປະກາດໃນຕົ້ນປີນີ້,  ອົງການແຮງງານສາກົນ ຫຼື ILO ໄດ້ໃຫ້ຂໍ້ສັງເກດວ່າ ວິກິດການພະຍາດໂຄວິດ - 19 ໄດ້ສືບຕໍ່ກໍ່ໃຫ້ເກີດສະພາບຂາດວຽກເຮັດງານທຳຢ່າງຮ້າຍແຮງໃນທົ່ວໂລກ ພ້ອມກ່າວເຕື່ອນວ່າ ອາດຈະໃຊ້ເວລາເຖິງສອງສາມປີ ເພື່ອໃຫ້ລະດັບຮັບສະໝັກຜູ້ເຂົ້າເຮັດວຽກກັບຄືນສູ່ຄືໄລຍະກ່ອນໂລກລະບາດ. ເພາະສະນັ້ນ ວຽກງານທີ່ຕ້ອງເຮັດໃນທັນທີຂອງບັນດາລັດຖະບານ ແມ່ນບໍ່ພຽງແຕ່ຕ້ານໂລກລະບາດ ແລະ ຟື້ນຟູເສດຖະກິດເທົ່ານັ້ນ ຫາກຍັງຕ້ອງສະຫງວນແຫຼ່ງງົບປະມານທີ່ເໝາະສົມ ເພື່ອຮັບປະກັນການຊ່ວຍໜູນສັງຄົມໃຫ້ແກ່ຜູ້ອອກແຮງງານ ເພື່ອຊ່ວຍໃຫ້ເຂົາເຈົ້າກັບຄືນສູ່ການເຊື່ອມໂຍງຕະຫຼາດແຮງງານໂດຍໄວ.