ຕອນຄ່ຳວັນທີ 23 ພະຈິກ, ຢູ່ນະຄອນ ໂຮ່ຈີມິນ, ໄດ້ດຳເນີນພິທີໄຂວັນບຸນເລີ່ມຕົ້ນທຸລະກິດຫຼື Startup ແຫ່ງຊາດສຳລັບນັກຮຽນ, ນັກສຶກສາຂອງຂະແໜງສືກສາວິຊາຊີບ ປີ 2020. ກ່າວຄຳເຫັນທີ່ພິທີໄຂ, ທ່ານຮອງນາຍົກລັດຖະມົນຕີ ຫວູດຶກດາມ ຖືວ່າ ເພື່ອໃຫ້ຫວຽດນາມ ກາຍເປັນ “ມັງກອນ”ຂອງ ອາຊີໃນໄລຍະຈະມາເຖິງ, ໄວໜຸ່ມ, ນັກຮຽນ, ນັກສຶກສາຕ້ອງນຳໜ້າ, ບົນພື້ນຖານຄວາມມຸ່ງຫວັງ, ການຊອກຫາຄວາມຮູ້ ແລະ ຄວາມກ້າຫານເພື່ອເຮັດບັນດາວຽກງານທີ່ຍັງບໍ່ມີຜູ້ໃດເຮັດ. ທ່ານຮອງນາຍົກລັດຖະມົນຕີ ຫວູດຶກດາມຖືວ່າ, ຫວຽດນາມຈະສາມາດຮັ່ງມີເຂັ້ມແຂງໄດ້ຖ້າຫາກວ່າ ຊາວຫວຽດນາມມີຈິດໃຈຮັກຊາດ ແລະ ມີຄວາມສາມັກຄີເພື່ອພ້ອມກັນສ້າງສາປະເທດຊາດ.

ໃນຂອບເຂດວັນບຸນໄດ້ດຳເນີນບັນດາການເຄື່ອນໄຫວຄື: ງານວາງສະແດງບັນດາໂຄງການ Startup ຂອງ ນັກຮຽນ, ນັກສຶກສາຈາກບັນດາວິທະຍາໄລ, ມະຫາວິທະຍາໄລໃນທົ່ວປະເທດ; ກອງປະຊຸມສຳມະນາການ “ຮ່ວມສຳພັນແຫຼ່ງກຳລັງເພື່ອໜູນຊ່ວຍໃຫ້ແກ່ນັກຮຽນ, ນັກສຶກສາ ຂະແໜງການສຶກສາວິຊາຊີບ Startup ໃນຍຸກ 4.0”.