(vovworld) - ໂດຍນອນໃນບັນດາການເຄື່ອນໄຫວ “ວັນບຸນນັກສຶກສາກັບທະເລໝູ່ເກາະຂອງປະເທດຊາດ” ປີ 2012, ຕອນຄໍ່າວັນທີ 21/10, ຢູ່ຮ່າໂນ້ຍ, ສູນກາງຊາວໜູ່ມກອມມູນິດໂຮ່ຈິມິນ ສົມທົບກັບສະຖານບັນການຕ່າງປະເທດ ຈັດຕັ້ງງານພົບປະແລກປ່ຽນ “ບັນທຶກປະຈຳວັນກ່ຽວກັບ Truong Sa”. ບັນດາຊາວໜຸ່ມ, ນັກສຶກສາ ທີ່ພວມດຳລົງຊີວິດ, ເຮັດວຽກ, ຮໍ່າຮຽນໃນບໍລິເວນນະຄອນຫຼວງຮ່າໂນ້ຍ ໄດ້ມີໂອກາດເຂົ້າໃຈຕີ່ມອີກກ່ຽວກັບຊີວິດຂອງບັນດາພະນັກງານ, ນັກຮົບທີ່ພວມປົກປັກຮັກສາ Truong Sa ທັງວັນ ແລະ ຄືນ, ກໍຄືຄວາມຮັກແພງຈາກປະຊາຊົນຢູ່ດິນຕໍ່ແຜ່ນທີ່ມີຕໍ່ບັນດານັກຮົບຢູ່ໝູ່ເກາະ. ໄວໜຸ່ມນະຄອນຫຼວງໄດ້ຮັບຟັງບັນດາຊາວໜຸ່ມ, ນັກສຶກສາ, ຄູອາຈານໜຸ່ມທີ່ເຄີຍໄປຢ້ຽມຢາມ Truong Sa ຜ່ານ “ການເດີນທາງຂອງຊາວໜຸ່ມເພື່ອທະເລ, ໝູ່ເກາະຂອງປະເທດຊາດ” ແບ່ງປັນຄວາມໃນໃຈ. ນັກສຶກສາ Hoang Minh Hieu ຮຽນຢູ່ສະຖາບັນການຕ່າງປະເທດ ໄດ້ຖືວ່າ ການຢ້ຽມຢາມແມ່ນຂີດໝາຍທີ່ບໍ່ອາດຫຼົງລື່ມໄດ້ໃນຊີວິດຂອງລາວ.
“ພາຍຫຼັງການຢ້ຽມຢາມ Truong Sa ນ້ອງຍັງສືບຕໍ່ການຕິດຕໍ່ກັບບັນດານັກຮົບຢູ່ເຂດເກາະ ເພື່ອລະດົມກຳລັງໃຈ, ຢື້ຢາມຖາມຂ່າວເປັນປະຈຳ. ທີ່ສອງແມ່ນ, ພາຍຫຼັງກັບເມືອ ນ້ອງໄດ້ເຂົ້າຮ່ວມ ແລະ ຈັດຕັ້ງບັນດາລາຍການຄື; ຟາກຈົດໝາຍໃຫ້ນັກຮົບ Truong Sa, ແນະນຳໃຫ້ເພື່ອນກ່ຽວກັບວັນບຸນນັກສຶກສາກັບທະເລໝູ່ເກາະຂອງປະເທດຊາດ. ນ້ອງປາດຖະໜາວ່າ ບັນດານັກສຶກສາ, ພິເສດແມ່ນນັກສຶກສາຢູ່ສະຖາບັນການຕ່າງປະເທດຈະມີໂອກາດຫຼາຍຢ່າງເພື່ອເຂົ້າຮ່ວມການເດີນທາງໄປຢ້ຽມຢາມ Truong Sa ໃນໄລຍະຈະມາເຖິງ”.