(VOVWORLD) -ທີຕອບສະໜອງວັນປ່ຽນແປງໃໝ່ປະດິດຄິດສ້າງໂລກ (21 ເມສາ) ແລະ ວັນຊັບສິນທາງປັນຍາໂລກ (26 ເມສາ), ເພື່ອແນໃສ່ຍົກສູງຄວາມຮັບຮູ້ກ່ຽວກັບບົດບາດຂອງການປ່ຽນແປງໃໝ່ປະດິດຄິດສ້າງ ແລະ ຊັບສິນທາງປັນຍາໃນການພັດທະນາເສດຖະກິດ-ສັງຄົມ ແລະ ການພັດທະນາແບບຍືນຍົງ.
 (ທີ່ພິທີຕອບສະໜອງ) |
ຫວຽດນາມ ພວມຫັນປ່ຽນຮູບແບບການເຕີບໂຕ ທີ່ອີງໃສ່ທຶນຮອນ ແລະ ຜູ້ອອກແຮງງານ ໄປສູ່ຮູບແບບການເຕີບໂຕທີ່ອີງໃສ່ວິທະຍາສາດເຕັກໂນໂລຊີ ແລະ ການປ່ຽນແປງໃໝ່ປະດິດຄິດສ້າງ. ນັ້ນແມ່ນຄຳຢືນຢັນຂອງທ່ານລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ຫວຽດນາມ ຮີນແທັງດາດ ທີ່ພິທີປຸກລະດົມການຕອບສະໜອງວັນປ່ຽນແປງໃໝ່ປະດິດຄິດສ້າງລະດັບຊາດ ແລະ ວັນຊັບສິນທາງປັນຍາໂລກ ທີ່ໄດ້ດຳເນີນໃນຕອນບ່າຍວັນທີ 21 ເມສາ, ຢູ່ ຮ່າໂນ້ຍ.
ດ້ວຍສານທີ່ວ່າ “ຊັບສິນທາງປັນຍາ, ປ່ຽນແປງໃໝ່ປະດິດຄິດສ້າງ ແລະ ລຸ້ນໜຸ່ມເພື່ອອະນາຄົດອັນດີງາມກວ່າ”, ພິທີຕອບສະໜອງວັນປ່ຽນແປງໃໝ່ປະດິດຄິດສ້າງໂລກ (21 ເມສາ) ແລະ ວັນຊັບສິນທາງປັນຍາໂລກ (26 ເມສາ), ເພື່ອແນໃສ່ຍົກສູງຄວາມຮັບຮູ້ກ່ຽວກັບບົດບາດຂອງການປ່ຽນແປງໃໝ່ປະດິດຄິດສ້າງ ແລະ ຊັບສິນທາງປັນຍາໃນການພັດທະນາເສດຖະກິດ-ສັງຄົມ ແລະ ການພັດທະນາແບບຍືນຍົງ. ທ່ານ ຟ້າມຮົ່ງກວດ, ຫົວໜ້າກົມພັດທະນາຕະຫຼາດ ແລະ ວິສາຫະກິດວິທະຍາສາດເຕັກໂນໂລຊີ, ກະຊວງວິທະຍາສາດ ແລະ ເຕັກໂນໂລຊີ ຫວຽດນາມ, ເນັ້ນໜັກວ່າ:
“ບັນດາເພື່ອນໜຸ່ມຢູ່ ຫວຽດນາມ ມີຫຼາຍແນວຄວາມຄິດ ແລະ ຄວາມສາມາດຮ່ວມສຳພັນໃໝ່ ເພື່ອແກ້ໄຂບັນຫາທີ່ໄດ້ວາງອອກໃຫ້ວິສາຫະກິດ ແລະ ສັງຄົມ. ພິເສດ, ໃນນັ້ນມີ startup ສ້າງການກະທົບຕໍ່ສັງຄົມ ເຊິ່ງໄດ້ຮັບຄວາມສົນໃຈ, ຈາກບັນດາໂຄງການກ່ຽວກັບສິ່ງແວດລ້ອມ, ສຸຂະພາບໃຫ້ແກ່ຜູ້ອາຍຸສູງ, ແມ່ຍິງ, ເດັກຍິງ, ຄົນພິການ, ບັນດາໂຄງການ 4.0 - ນະຄອນອັດສະລິຍະ… ມີຫຼາຍໂຄງການຄືແນວນັ້ນ”.
ເມື່ອຕີລາຄາສູງບັນດາໝາກຜົນເຊິ່ງ ຫວຽດນາມ ບັນລຸໄດ້ໃນການຊຸກຍູ້ການປ່ຽນແປງໃໝ່ປະດິດຄິດສ້າງ, ທ່ານ Christian Manhart, ຫົວໜ້າຜູ້ຕາງໜ້າອົງການ UNESCO ປະຈຳ ຫວຽດນາມ ເນັ້ນໜັກວ່າ, ບັນດາອົງການຈັດຕັ້ງສາກົນຄື: ສະຫະປະຊາຊາດ, UNESCO… ຍາມໃດກໍ່ໃຫ້ຄຳໝັ້ນສັນຍາຮ່ວມເດີນທາງ ແລະ ໜູນຊ່ວຍ ຫວຽດນາມ ໃນການເຄື່ອນໄຫວຊຸກຍູ້ການປ່ຽນແປງໃໝ່ປະດິດຄິດສ້າງ ແລະ ການພັດທະນາແບບຍືນຍົງ.