ທ່ານເລຮູຍຮ່ວາງເອກອັກຄະລັດຖະທູດ ແລະ ຜູ້ຕາງໜ້າວິສາຫະກິດ ຫວຽດນາມ - ຍີ່ປຸ່ນແລກປ່ຽນກ່ຽວກັບບັນດາມາດຕະການຍູ້ແຮງຄວາມຄືບໜ້າຂອງບັນດາໂຄງການຈະມາເຖິງ (ພາບ: TTXVN)

ວັນທີ 9 ຕຸລາ, ຢູ່ນະຄອນຫຼວງ ໂມປູໂຕ, ກ່າວຄຳເຫັນທີ່ການສົນທະນາຊຸກຍູ້ການຮ່ວມມືເສດຖະກິດ, ລົງທຶນ ຂອງ ວິສາຫະກິດ ຫວຽດນາມ ແລະ ຍີ່ປຸ່ນ ຢູ່ ໂມຊຳບິກ, ທ່ານ ເລຮູຍຮ່ວາງ ເອກອັກຄະລັດຖະທູດ ຫວຽດນາມ ປະຈຳ ໂມຊຳບິກ ເນັ້ນໜັກວ່າ ລັດຖະບານ ຫວຽດນາມ ສະແດງຄວາມຊົມເຊີຍ, ສົ່ງເສີມ, ສະໜັບສະໜູນບັນດາວິສາຫະກິດ ຂອງ ຫວຽດນາມ ແລະ ຍີ່ປຸ່ນທີ່ຮ່ວມມືກັບຢູ່ ໂມຊຳບິກ, ໜູນຊ່ວຍລັດຖະບານ ແລະ ປະຊາຊົນປະຈຳຖິ່ນພັດທະນາເສດຖະກິດ - ສັງຄົມ. ທ່ານ ເລຮູຍຮ່ວາງ ຕີລາຄາສູງຄວາມໝາຍຂອງການຮ່ວມສຳພັນລະຫວ່າງ Movitel ແລະ ADM, ທ່ານເອກອັກຄະລັດຖະທູດຢັ້ງຢືນວ່າຮູບແບບການຮ່ວມມືທີ່ປະສົບຜົນສຳເລັດລະຫວ່າງ ວິສາຫະກິດ ແລະ ບັນດາອົງການທີ່ກ່ຽວຂ້ອງຂອງ ຫວຽດນາມ ແລະ ຍີ່ປຸ່ນໄດ້ ແລະ ກຳລັງໄດ້ຮັບການສົ່ງເສີມຈາກລັດຖະບານສອງປະເທດ ເພື່ອແນໃສ່ໜູນຊ່ວຍລັດຖະບານ ແລະ ປະຊາຊົນ ໂມຊຳບິກ ຍູ້ແຮງການພັດທະນາ ເສດຖະກິດ - ສັງຄົມ.

        ເລື່ອງ Movitel ໄດ້ຮັບການຄັດເລືອກປະຕິບັດໂຄງການໃຫຍ່ຂອງ WB ຢູ່ ໂມຊຳບິກທີ່ຜ່ານມາແມ່ນ ຢັ້ງຢືນທ່າໄດ້ປຽບ ຂອງວິສາຫະກິດ ຫວຽດນາມຢູ່ປະເທດປະຈຳຖິ່ນ. ນີ້ກໍ່ແມ່ນວິສາຫະກິດໂທລະຄົມມະນາຄົມໜຶ່ງດຽວຢູ່ ໂມຊຳບິກ ທີ່ໄດ້ຍົກອອກວິທີການແກ້ໄຂດ້ານເຕັກນິກຢ່າງຮອບດ້ານເພື່ອໜູນຊ່ວຍການ ຕືມ/ຖອນເງິນຂອງປະຊາຊົນຢູ່ເຂດທີ່ຍັງບໍ່ມີສັນຍານໂທລະສັບ, ຜ່ານການນຳໃຊ້ບັດ, ຄຽງຄູ່ກັນນັ້ນ, Movitel ກໍ່ມີປະສົບການຫຼາຍໃນການປະຕິບັດບັນດາໂຄງການ, ໄດ້ຮັບຄວາມໄວ້ເນື້ອເຊື່ອໃຈສູງຈາກ ລັດຖະບານ ໂມຊຳບິກ ແລະ ໄດ້ຄັດເລືອກເພື່ອກໍ່ສ້າງສາຍຕິດຕາມສື່ສານໃຫ້ແກ່ບັນດາກະຊວງ, ຄະນະຂະແໜງການ, ກໍ່ຄືໂຄງການພັດທະນາສະຖານີໂທລະຄົມມະນາຄົມທີ່ມີປະໂຫຍດທາງສາທາລະນະ ໃຫ້ແກ່ລັດຖະບານປະເທດປະຈຳຖິ່ນ.