ວິສາຫະກິດ ຫວຽດນາມລົງທຶນຢູ່ ກຳປູເຈຍຢ່າງ ມີປະສິດທິຜົນ.
ທ່ານນາງ Men Som On ຮອງນາຍົກລັດຖະມົນຕີ ກຳປູເຈຍ ຢ້ຽມຢາມໂຮງງານຝຸ່ນສາກົນ ຫ້າດາວກຳປູເຈຍ
|
Vovworld- ໂດຍແມ່ນ 1 ໃນບັນດາໂຄງການລົງທຶນໃຫຍ່ກວ່າໝູ່ຂອງຫວຽດນາມຢູ່ ກຳປູເຈຍ ດ້ວຍຈຳນວນທຶນ 65 ລ້ານ USD , ໂຮງງານຝຸ່ນສາກົນ ຫ້າດາວກຳປູເຈຍທີ່ຂຶ້ນກັບກຸ່ມບໍລິສັດສາກົນຫ້າດາວ ພວມໄດ້ຮັບການດຳເນີນການກໍ່ສ້າງຢ່າງຂຸ້ນຂຽວເພື່ອເປີດສະຫຼອງ ເຂົ້າສູ່ການເຄື່ອນໄຫວໃນທ້າຍປີນີ້. ກ່າວຄຳເຫັນເມື່ອຢ້ຽມຢາມໂຄງການກໍ່ສ້າງໂຮງງານ ເມື່ອຕອນບ່າຍວັນທີ 8/5 , ທ່ານນາງ Men Som On ຮອງນາຍົກລັດຖະມົນຕີ ກຳປູເຈຍ ຖືວ່າລະດັບການກໍ່ສ້າງຢ່າງວ່ອງໄວຂອງໂຮງງານມີກຳລັງການຜະລິດຝຸ່ນຕິດຕັ້ງໃນເບື້ອງຕົ້ນ 350.000 ໂຕນຕໍ່ປີນີ້ ແມ່ນຕົວຢ່າງທີ່ດີເດັ່ນຂອງປະສິດທິຜົນແຫ່ງການເຄື່ອນໄຫວລົງທຶນ, ຜັນຂະຫຍາຍໂຄງການຂອງບັນດາວິສາຫະກິດຫວຽດນາມຢູ່ ກຳປູເຈຍ. ທ່ານນາງຮອງນາຍົກລົດຖະມົນຕີ Men Som On ເຊື່ອໝັ້ນວ່າ ພາຍຫຼັງສຳເລັດການກໍ່ສ້າງ ແລະ ເຂົ້າສູ່ການເຄື່ອນໄຫວ, ໂຮງງານຝຸ່ນສາກົນ ຫ້າດາວກຳປູເຈຍຈະແມ່ນໄມ້ງັດທີ່ມີຄວາມໝາຍສຳຄັນໃນການຫັນແຜນນະໂຍບາຍຍູ້ແຮງການຮ່ວມມືໃນຂົງເຂດກະສີກຳລະຫວ່າງ 2 ປະເທດໃຫ້ປະກົດຜົນເປັນຈິງ. ໄລ່ຮອດໝົດປີ 2011, ຫວຽດນາມມີ 98 ໂຄງການລົງທຶນເຂົ້າກຳປູເຈຍດ້ວຍຍອດຈຳນວນທຶນ 2,4 ຕື້ USD. ປະຈຸບັນ ຫວຽດນາມຢືນອັນດັບ ທີ່ 4 ໃນຈຳນວນບັນດານັກລົງທຶນຕ່າງປະເທດ ຢູ່ກຳປູເຈຍ ຖັດຈາກຈີນ, ສ.ເກົາຫຼີ ແລະ ອົດສະຕາລີ.