(ພາບປະກອບ: baodautu.vn)

“ການຟື້ນຟູພວມຢູ່ໃກ້ແລ້ວ”, “ສະພາບເປັນປົກກະຕິໃໝ່, ອະນາຄົດອັນໃສແຈ້ງກວ່າ” ແມ່ນບັນດາຄຳຫຼັກໃນບົດລາຍງານຫຼ້າສຸດກ່ຽວກັບດັດຊະນີກ່ຽວກັບສະພາບແວດລ້ອມແຫ່ງການດຳເນີນທຸລະກິດຂອງ ຫວຽດນາມ ໂດຍສະມາຄົມວິສາຫະກິດ ເອີລົບ ປະຈຳ ຫວຽດນາມ (EuroCham) ຫາກໍ່ປະກາດ.

        ຕາມການຕີລາຄາຂອງບັນດາວິສາຫະກິດ ເອີລົບ ປະຈຳ ຫວຽດນາມ ແລ້ວ, ໃນໄຕມາດທີ 1 ປີ 2022, ດັດຊະນີສະພາບແວດລ້ອມແຫ່ງການດຳເນີນທຸລະກິດຂອງ ຫວຽດນາມ ບັນລຸ 73 ຈຸດເປີເຊັນ, ເພີ່ມຂຶ້ນ 12 ຈຸດເປີເຊັນ ເມື່ອທຽບໃສ່ໄຕມາດທີ 4 ປີ 2021. ນີ້ກໍ່ແມ່ນຕົວເລກສູງສຸດນັບແຕ່ເວລາເກີດໂລກລະບາດຄັ້ງທີ 4. ທ່າເຕີບໂຕດັ່ງກ່າວໄດ້ຮັບຄວາມຫວັງວ່າ ຈະສືບຕໍ່ໄດ້ຮັບການຮັກສາໄວ້ໃນໄລຍະຈະມາເຖິງ. ມີວິສາຫະກິດຈຳນວນກວ່າ 2/3 ແຫ່ງຖືກຖາມໄດ້ເຊື່ອໝັ້ນວ່າ ເສດຖະກິດ ຫວຽດນາມ ມີຄວາມສາມາດຫຼາຍຢ່າງໃນການຮັບປະກັນສະຖຽນລະພາບ ແລະ ໄດ້ປົວແປງໃນໄຕມາດທີ 2 ປີ 2022, ສິ່ງດັ່ງກ່າວແມ່ນອີງຕາມບັນດາສັນຍານອັນຕັ້ງໜ້າໃນການເຄື່ອນໄຫວສົ່ງອອກຂອງບັນດາວິສາຫະກິດ ດ້ວຍລະດັບເຕີບໂຕ 2 ຕົວເລກໃນໄຕມາດທີ 1 ປີ 2022. ພ້ອມກັນນັ້ນ, ມີວິສາຫະກິດເກືອບ 66% ເຂົ້າຮ່ວມການສຳຫຼວດເຊື່ອໝັ້ນວ່າ ລາຍຮັບຈະເພີ່ມຂຶ້ນໃນໄຕມາດທີ 2 ປີ 2022, ເມື່ອທຽບໃສ່ 52% ຂອງໄຕມາດກ່ອນ.

        ກໍ່ຕາມການສຳຫຼວດຂອງ EuroCham ແລ້ວ, ມີວິສາຫະກິດ ເອີລົບ 82% ສະແດງຄວາມສົນໃຈຢ່າງຈະແຈ້ງຕໍ່ຂົງເຂດເຕີບໂຕຂຽວຂອງ ຫວຽດນາມ. ທ່ານ Alain Cany, ປະທານ EuroCham, ຕີລາຄາວ່າ ຫວຽດນາມ ມີກາລະໂອກາດດຶງດູດກະແສການລົງທຶນຕ່າງປະເທດ FDI ຂຽວ, ມີຄຸນນະພາບສູງໃໝ່ຈາກບັນດານັກລົງທຶນ ເອີລົບ ມາຊອກຫາສະຖານທີ່ລົງທຶນປອດໄພ ແລະ ແກ່ງແຍ້ງ. ປະຈຸບັນ, ນີ້ແມ່ນຈຸດເວລາທີ່ດີເພື່ອເພີ່ມລະດັບຄວາມໄວໃນຂົງເຂດພັດທະນາແບບຍືນຍົງຢູ່ ຫວຽດນາມ.