(ພາບປະກອບ: TTXVN )

ຢູ່ກອງປະຊຸມສຸດຍອດ ດຳເນີນທຸລະກິດ ຫວຽດນາມ - ອາເມລິກາ ເຊິ່ງໄດ້ຈັດຂຶ້ນຫວ່າງມໍ່ໆມານີ້, ທ່ານ ຟ້າມເຕິນກົງ ປະທານສະຫະພັນການຄ້າ ແລະ ອຸດສາຫະກຳ ຫວຽດນາມ (VCCI) ໃຫ້ຮູ້ວ່າ: VCCI ໄດ້ຍົກອອກຂໍ້ລິເລີ່ມດັດຊະນີຂຽວດ້ານການໜູນຊ່ວຍຈາກອົງການພັດທະນາສາກົນ ອາເມລິກາ (USAID), ເພື່ອແນໃສ່ຊູກຍູ້ປະຕິບັດລະບອບລະບຽບການກ່ຽວກັບສິ່ງແວດລ້ອມກໍ່ຄືບັນດາການເຄື່ອນໄຫວລົງທຶນທີ່ເປັນມິດກັບສິ່ງແວດລ້ອມ, ຊຸກຍູ້ການພັດທະນາແບບຍືນຍົງໃຫ້ຫຼາຍກ່ວາອີກ ເພື່ອຜົນປະໂຫຍດຂອງປະຊາຊົນ ແລະ ພື້ນຖານເສດຖະກິດ. ຫວຽດນາມ ວາງເປົ້າໝາຍຮອດປີ 2030, ອັດຕາກຳລັງໄຟຟ້າຜະລິດຄືນໃໝ່ກວມເອົາ 45% ກຳລັງໄຟຟ້າທົ່ວລະບົບ.  ຄາດວ່າ, ແຫຼ່ງກຳລັງການເງິນຕ້ອງມີເພື່ອປະຕິບັດໂຄງການພັດທະນາແຫຼ່ງໄຟຟ້າ ແລະ ຕາໜ່າງໄຟຟ້າປະມານ 14 ຕື້ USD, ດັ່ງນັ້ນ, ຕ້ອງມີການເຂົ້າຮ່ວມຂອງບັນດາວິສາຫະກິດ, ພິເສດແມ່ນວິສາຫະກິດອາເມລິກາ ໃນການແບ່ງປັນແຫຼ່ງກຳລັງ, ເຕັກໂນໂລຢີ. ທ່ານ Ken Haig, ຜູ້ອຳນວຍການຮັບຜິດຊອບນະໂຍບາຍພະລັງງານ ອາຊີ - ປາຊີຟິກ ແລະ ຍີ່ປຸ່ນຂອງ Amazon Web Service (AWS), ຊຶ່ງແມ່ນບໍລິສັດຂຶ້ນກັບ Amazon.com, ໃຫ້ຮູ້ວ່າ: Amazon ຕັ້ງເປົ້າໝາຍ 100% ກ່ຽວກັບພະລັງງານຜະລິດຄືນໃໝ່, ການບໍລິການຂົນສົ່ງ Logistics ຂຽວ ແລະ ຄຳໝັ້ນສັນຍາມີການປະກອບສ່ວນຢ່າງຕັ້ງໜ້າເຂົ້າໃນການເຄື່ອນໄຫວລົງທຶນທີ່ກ່ຽວຂ້ອງເຖິງ ພະລັງງານຜະລິດຄືນໃໝ່ຢູ່ ຫວຽດນາມ. Amazon ສະໜັບສະໜູນການເພີ່ມທະວີການນຳໃຊ້ພະລັງງານແສງຕາເວັນ, ພະລັງງານແຮງລົມຢູ່ທະເລ ແລະ ຫວັງວ່າ ການລົງທຶນຂອງບັນດາວິສາຫະກິດ ອາເມລິກາ ໃນຂົງເຂດພະລັງງານຜະລິດຄືນໃໝ່ຈະຊ່ວຍເພີ່ມທະວີການພັດທະນາແບບຍືນຍົງຢູ່ ຫວຽດນາມ ໃນໄລຍະຈະມາເຖິງ.