(ພາບປະກອບ: TTXVN)

ຕາມຜົນດັດຊະນີສີ່ງແວດລ້ອມແຫ່ງການດຳເນີນທຸລະກິດ (Business Climate Index- BCI) ໃໝ່ສຸດ ທີ່ສະມາຄົມວິສາຫະກິດ ເອີລົບ ປະຈຳ ຫວຽດນາມ (EuroCham ) ປະກາດ, ດັດຊະນີ BCI ບັນລຸລະດັບສູງສຸດນັບແຕ່ພະຍາດໄດ້ລະບາດຮອບທີ່ 4.

        ລະອຽດ, ຕາມຜົນການສຳຫຼວດກວ່າ 1.200 ສຳມະຊິກ ຂອງ EuroCham, 58% ໃນຈຳນວນນີ້ໄດ້ຄາດຄະເນສະຖຽນລະພາບ ແລະ ການເຕີບໂຕເສດຖະກິດໃນໄຕມາດ 1 ປີ 2022 ແລະ ມີພຽງແຕ່ 17% ຄາດຄະເນວ່າເສດຖະກິດຊຸດໂຊມ. ປະທານ EuroCham Alain Cany ຖືວ່າ ໂຕເລກນີ້ສະແດງໃຫ້ເຫັນວ່າຄວາມໄວ້ວາງໃຈຂອງ ວິສະຫະກິດ ເອີລົບ ທີ່ມີຕໍ່ສີ່ງແວດລ້ອມດ້ານການຄ້າ ແລະ ການລົງທຶນຂອງ ຫວຽດນາມ ຈະກັບຄືນມາເມື່ອພະຍາດໄດ້ຮັບການຄວບຄຸມ, ກໍ່ຄືຕາມການກຳນົດຈະແຈ້ງຂອງລັດຖະບານ. ບັນດາວິສາຫະກິດ ເອີລົບ ມີຄວາມເຊື່ອໝັ້ນຫຼາຍກວ່າເມື່ອຊີວິດ ແລະ ການເຄື່ອນໄຫວດຳເນີນທຸລະກິດກັບຄືມາເປັນປົກກະຕິຢູ ຫວຽດນາມ.