ທ່ານ Habib El Malki ປະທານສະພາຕ່ຳ ມາຣົກ ມາຢ້ຽມຢາມເຂດຮ່ອງຮອຍປະຫວັດຊາດ ປະທານໂຮ່ຈີມິນ ຢູ່ທຳນຽບປະທານປະເທດ (ພາບ: TTXVN)

ໂດຍສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ ລະຫວ່າງ ຫວຽດນາມ - ມາຣົກ (27 ມີນາ 1961 – 27 ມີນາ 2021), ສຳນັກຂ່າວສານ ຫວຽດນາມ ແລະ ສະຖານທູດ ລາຊະອານາຈັກ ມາຣົກ ປະຈຳ ຫວຽດນາມ ໄດ້ສົມທົບກັນຈັດງານວາງສະແດງພາບຖ່າຍທາງອອນລາຍ ໂດຍແນະນຳພາບຖ່າຍ ດີເດັ່ນ 20 ພາບກ່ຽວກັບບັນດາການເຄື່ອນໄຫວທາງການທູດ ຂັ້ນສູງ ລະຫວ່າງ ສອງປະເທດ, ທີ່ໄດ້ຮັບການຄັດເລືອກເອົາຈາກສາງເອກະສານພາບຖ່າຍຂອງ ສຳນັກຂ່າວສານ ຫວຽດນາມ.

        ບັນດາພາບຖ່າຍໄດ້ລົງໃນເວັບໄຊທາງການຂອງ ສະຖານທູດ ລາຊະອານາຈັກ ມາຣົກ ປະຈຳ ຫວຽດນາມ ແຕ່ວັນທີ 27 ມີນາ ຫາ ວັນທີ 30 ເມສາ 2021.

       ເນື່ອງໃນໂອກາດສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ ລະຫວ່າງ ຫວຽດນາມ - ມາຣົກ, ວັນທີ 27 ມີນາ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບິ່ງມິງ ໄດ້ສົ່ງສານອວຍພອນໄປຍັງທ່ານ Nasser Buorita ລັດຖະມົນຕີກະຊວງການຕ່າງປະເທດ, ການຮ່ວມມື ອາບຟຼິກກາ ແລະ ຊາວ ມາຣົກ ອາໄສຢູ່ຕ່າງປະເທດ ລາຊະອານາຈັກ ມາຣົກ.