ທ່ານຮອງນາຍົກລັດຖະມົນຕີ ເຈິ່ນຮົ່ງຮ່າ ກ່າວຄຳເຫັນທີ່ກອງປະຊຸມ

ທີ່ກອງປະຊຸມ, ທ່ານຮອງນາຍົກລັດຖະມົນຕີ ເຈິ່ນຮົ່ງຮ່າ ໄດ້ເນັ້ນໜັກວ່າ ການວາງແຜນຜັງເຂດໄຕງວຽນຕ້ອງສືບຕໍ່ເຂົ້າເຖິງລັກສະນະມີແບບມີແຜນ, ສັງລວມ, ຮອບດ້ານ ແລະ ເຂົ້າໃຈຢ່າງເລິກເຊິ່ງຕໍ່ບັນດາຄຸນຄ່າທີ່ເປັນເອກະລັກສະເພາະ, ປະສານສົມທົບຄວາມສາມາດບົ່ມຊ້ອນ, ທ່າໄດ້ປຽບດ້ວຍ ທ່າອ່ຽງໃນຍຸກສະໄໝ ເພື່ອໃຫ້ໄຕງວຽນ ບືນຕົວຂຶ້ນ ດ້ວຍຄຸນຄ່າໃໝ່. ໄປຄຽງຄູ່ກັນນັ້ນ, ກໍ່ໃຫ້ບຸລິມະສິດກຳນົດບັນດາຄຸນຄ່າທີ່ເປັນເອກະລັກສະເພາະຄື ອາກາດ, ທຳມະຊາດ, ຊີວະນາໆພັນ, ທໍລະນີສາດ, ແຫຼ່ງນ້ຳ, ວັດທະນະທຳ… ເພື່ອອະນຸລັກຮັກສາ ແລະ ສ້າງຄຸນຄ່າຊັບພະຍາກອນອັນລ້ຳຄ່າ, ກາຍເປັນແຫຼ່ງກຳລັງພັດທະນາທີ່ເປັນເອກະລັກສະເພາະ, ກົມກຽວກັບພູມີສາດ, ທັດສະນີຍະພາບ, ກຳນົດທິດໃຫ້ແກ່ພື້ນຖານໂຄງລ່າງເຊື່ອມຕໍ່ຄົມມະນາຄົມ ຕາມລະບົບນິເວດ, ລະບົບຄມູນຄ່າ, ແລວທາງເສດຖະກິດພາຍໃນເຂດ ແລະ ລະຫວ່າງເຂດ.

ກ່ຽວກັບບາງຂະແໜງເສດຖະກິດປາຍແຫຼມຂອງເຂດ, ທ່ານຮອງນາຍົກລັດຖະມົນຕີ ເຈາະຈິ້ມວ່າ ກະສິກຳຕ້ອງມີການປ່ຽນແປງຕາມທິດນຳໃຊ້ເຕັກໂນໂລຢີສູງ, ອໍແກນນິກ, ເພີ່ມຄຸນຄ່າຜ່ານການປຸງແຕ່ງ, ສ້າງເປັນຜະລິດຕະພັນແຫ່ງຊາດ, ສົ່ງເສີມພະລັງງານທົດແທນ ສົມທົບກັບ ການສະສົມພະລັງງານໄຟຟ້ານ້ຳຕົກ; ພັດທະນາເສດຖະກິດປ່າໄມ້, ຕະຫຼາດ carbon credit.