(vov) ຕອນ​ເຊົ້າ​ວັນ​ທີ 27/8, ຄະນະ​ຊີ້​ນຳ​ສະຫຼຸບ​ການ​ປະຕິບັດ​ລັດຖະທຳ​ມະນູນ​ປີ 1992 ຂອງ​ລັດຖະບານ​ໄດ້​ຈັດວາລະ​ປະຊຸມ​ຄັ້ງ​ທີ 4 ພາຍ​ໃຕ້​ການ​ເປັນ​ປະທານ​ຂອງ​ທ່ານ​ຮອງ​ນາຍົກລັດຖະມົນຕີ Nguyen Xuan Phuc , ຫົວໜ້າ​ຄະນະ​ຊີ້​ນຳ. ທີ່​ວາລະ​ປະຊຸມ, ບັນດາ​ສະມາຊິກ​ໃນ​ຄະນະ​ຊີ້​ນຳ​ໄດ້​ປະກອບຄວາມ​ເຫັນ, ສະ​ແດງ​ໃຫ້​ເຫັນ​ທັດສະນະຂອງ​ຕົນ​ຕໍ່​ບັນດາ​ເນື້ອ​ໃນ​ໃຫຍ່, ສຳຄັນ​ຂອງ​ລັດຖະທຳ​ມະນູນ ​ເຊິ່ງສະ​ແດງ​ອອກ​ໃນ​ບັນດາ​ພາກ, ຂໍ້​ມາດຕາ​ອັນ​ລະອຽດ​ຂອງ​ຮ່າງ​ລັດຖະທຳ​ມະນູນ (ສະບັບ​ປັບປຸງ); ​ໃນ​ນັ້ນ​ສຸມ​ໃສ່​ບັນດາ​ເນື້ອ​ໃນ​ທີ່​ກ່ຽວ​ຂ້ອງ​ເຖິງ​ອົງການ​ປະຕິບັດ​ກົດໝາຍ, ອຳນາດ​ການ​ປົກຄອງ​ທ້ອງ​ຖີ່​ນ. ກ່າວ​ຄວາມ​ເຫັນ​ສະຫຼຸບ​ວາລະ​ປະຊຸມ, ທ່ານ​ຮອງ​ນາຍົກລັດຖະມົນຕີ Nguyen Xuan Phuc ​ເນັ້ນໜັກ​ວ່າ, ຄະນະ​ຊີ້​ນຳ​ໄດ້​ມີ​ການກະກຽມ​ຢ່າງ​ຕັ້ງໜ້າ, ​ເຂັ້ມ​ງວດ​ໃນ​ວິວັດ​ການ​ເລັ່ງລັດ, ​ແນະນຳ​ການ​ສະຫຼຸບ​ລັດຖະທຳ​ມະນູນ. ທ່ານ​ຮອງ​ນາຍົກລັດຖະມົນຕີກໍ່ຕີ​ລາຄາ​ສູງ​ບັນດາ​ຄວາມ​ເຫັນ​ທີ່​ກົງ​ໄປ​ກົງ​ມາ, ສຸດ​ຈິດ​ສຸດ​ໃຈ, ຄວາມ​ຮັບຜິດຊອບ​ຂອງ​ບັນດາ​ສະມາ​ຊິກ​ເຂົ້າ​ຮ່ວມ​ວາລະ​ປະຊຸມ, ​ເຊິ່ງ​ໄດ້​ເຮັດ​ແຈ້ງ​ຫຼາຍ​ບັນຫາ​ຕື່ມ​ອີກ, ປະກອບສ່ວນ​ສຳຄັນ​ເຂົ້າ​ໃນ​ວິວັດ​ການ​ປັບປຸງ​ລັດຖະທຳ​ມະນູນ.