ວາລະສານ “Francophonie Actualités” ສະບັບອອກພິເສດກ່ຽວກັບທະເລຕາເວັນອອກ
ທ໋າຍເຢືອງ, ນັກຂ່າວVOVປະຈຳຝຣັ່ງ -
(vovworld) – ທະເລຕາເວັນອອກ, ບັນຫາອະທິປະໄຕໝູ່ເກາະ ຮ່ວາງຊາ, ເຈື່ອງຊາ ແມ່ນຫົວຂໍ້ຂອງວາລະສານ “Francophonie Actualités”, ເຊິ່ງແມ່ນວາລະສານທີ່ມີຊື່ສຽງຂອງ ຝຣັ່ງ ກ່ຽວກັບສະພາບການຂອງສາກົນ, ສະບັບອອກເມື່ອມໍ່ໆມານີ້. ໃນພາກທຳອິດເຊິ່ງລວມມີ 77 ໜ້າຂອງວາລະສານໄດ້ສະຫງວນໃຫ້ບັນຫາທະເລຕາເວັນອອກ, ດ້ວຍການຮວບຮວມເອົາບັນດາບົດຂຽນ, ບົດທາບທາມ, ບັນດາຄຳຕອບສຳພາດຂອງວົງການນັກວິຊາການ ແລະ ບັນດາຕົວພະຍານກ່ຽວກັບບັນຫາອະທິປະໄຕຂອງ ຫວຽດນາມ ສຳລັບໝູ່ເກາະ ຮ່ວາງຊາ, ເຈື່ອງຊາ. ໃນພາກ “ສະຫລຸບ” ໄດ້ເວົ້າເຖິງປະຫວັດສາດທະເລຕາເວັນອອກ ແລະ ຢັ້ງຢືນອະທິປະໄຕຂອງ ຫວຽດນາມ ຢູ່ ໝູ່ເກາະຮ່ວາງຊາ, ເຈື່ອງຊາ ດ້ວຍບັນດາຫຼັກການ ແລະ ບັນດາເອກະສານສາກົນ. ສະພາບຄວາມເຄັ່ງຕຶງໃນປະຈຸບັນຢູ່ທະເລຕາເວັນອອກ.
ໃນພາກ “ແງ່ມູມໃຫຍ່” ລວມມີການຮວບຮ່ວມບັນດາບົດທາບທາມ ແລະ ບົດສຳພາດຂອງວົງການນັກວິຊາການກ່ຽວກັບບັນຫາອະທິປະໄຕໝູ່ເກາະຮ່ວາງຊາ, ເຈື່ອງຊາ. ໃນພາກ “ສົນທິສັນຍາສາກົນ” ແລະ “ທັດສະນະຂອງນັກຊ່ຽວຊານ” ເຊິ່ງລວມມີບັນດາບົດຂຽນ ແລະ ບົດກ່າວປາໄສຂອງວົງການນັກວິຊາການກ່ຽວກັບສາຍເຫດທີ່ພາໃຫ້ເກີດສະພາບເຄັ່ງຕຶງຢູ່ທະເລຕາເວັນອອກ, ບັນຫາການປົກປ້ອງກົດໝາຍວ່າດ້ວຍທະເລປີ 1982, ຄວາມໝາຍຂອງຄຳຕັດສິນຂອງສານອະນຸຍາໂຕຕຸລາການ (PCA) ໃນກໍລະນີຟ້ອງຮ້ອງ ຈີນຂອງ ຟີລິບປິນ, ບັນດາການຕີລາຄາກ່ຽວກັບການພັດທະນາຂອງສະພາບການພາກພື້ນພ້ອມກັບມາດຕະການເໝາະສົມສຳລັບບັນຫານີ້.
ທ໋າຍເຢືອງ, ນັກຂ່າວVOVປະຈຳຝຣັ່ງ