(ທ່ານນາງ Ramla Khalidi, ຫົວໜ້າຜູ້ຕາງໜ້າໂຄງການພັດທະນາສະຫະປະຊາຊາດ)

        ຕອນເຊົ້າວັນທີ 11 ສິງຫາ, ຢູ່ ຮ່າໂນ້ຍ, ສະຫະປະຊາຊາດ ປະຈຳ ຫວຽດນາມ ໄດ້ຈັດພິທີສະເຫຼີມສະຫຼອງວັນຊາວໜຸ່ມ (12 ສິງຫາ) ໂດຍມີການເຂົ້າຮ່ວມຂອງຜູ້ຕາງໜ້າກະຊວງພາຍໃນ, ສູນກາງຄະນະຊາວໜຸ່ມກອມມູນິດ ໂຮ່ຈີມິນ ແລະ ການນຳໜຸ່ມກວ່າ 50 ທ່ານ. ພິທີສະເຫຼີມສະຫຼອງປີນີ້ມີຫົວຂໍ້ວ່າ “ມຸ່ງໄປເຖິງອະນາຄົດຍືນຍົງ: ທັກສະສີຂຽວໃຫ້ຊາວໜຸ່ມ”, ໂດຍເນັ້ນໜັກເຖິງຄວາມສຳຄັນຂອງເລື່ອງປະກອບທັກສະສີຂຽວໃຫ້ຊາວໜຸ່ມ ເພື່ອມຸ່ງໄປເຖິງອະນາຄົດທີ່ສົດໃສກວ່າ, ຂຽວກວ່າ ແລະ ຍືນຍົງກວ່າໃຫ້ແກ່ ຫວຽດນາມ. ກ່າວຄຳເຫັນທີ່ເຫດການ, ທ່ານນາງ Ramla Khalidi, ຫົວໜ້າຜູ້ຕາງໜ້າໂຄງການພັດທະນາສະຫະປະຊາຊາດ (UNDP), ເນັ້ນໜັກວ່າ:

        “ຫວຽດນາມ ມານະພະຍາຍາມມຸ່ງໄປເຖິງວິວັດການຫັນປ່ຽນພະລັງງານຢ່າງຍຸດຕິທຳ ແລະ ອະນາຄົດຂອງການປ່ອຍອາຍພິດລົງ 0. ສະນັ້ນ, ເລື່ອງເປັນເຈົ້າການປະຕິບັດການຫັນປ່ຽນກຳລັງແຮງງານ ເພື່ອຊຸກຍູ້ພື້ນຖານເສດຖະກິດສີຂຽວ ແລະ ກາກບອນຕ່ຳ ແລະ ບັນດາສິ່ງທ້າທາຍໃໝ່ຂອງພື້ນຖານເສດຖະກິດມີຄວາມສຳຄັນທີ່ສຸດ. ຂ້າພະເຈົ້າຄິດວ່າ, ຊາວໜຸ່ມ ຫວຽດນາມ ຕ້ອງໄດ້ກະກຽມຄວາມຮູ້, ທັກສະໃຫ້ເປັນຢ່າງດີ ເພື່ອເຂົ້າຮ່ວມກຳລັງແຮງງານດັ່ງກ່າວ”.