ທ່ານປະທານສະມັດຊາໃຫຍ່ ສປຊ Abdulla Shahid (ພາບ:TTXVN)

ວັນທີ 1 ຕຸລາ,ໃນການຖະແຫຼງຂ່າວຄັ້ງທຳອິດ ນັບແຕ່ເວລາສັບປະດາປະຈຳປີສິ້ນສຸດລົງ, ທ່ານປະທານສະມັດຊາໃຫຍ່ ສປຊ Abdulla Shahid ໄດ້ປະກາດແຜນການໂຮມປະຊຸມຂັ້ນສູງ ໃນເດືອນມັງກອນ ປີ 2022 ເພື່ອຊຸກຍູ້ຄວາມມານະພະຍາຍາມສັກວັກຊິນໃນທົ່ວໂລກ. ທ່ານ Abdulla Shahid ໄດ້ຊີ້ແຈ້ງວ່າໂລກລະບາດໂຄວິດ - 19 ຍັງຄົງແມ່ນສິ່ງທ້າທາຍ ແລະ “ຈະບໍ່ຢຸດຕິລົງຈົດຮອດເວລາພວກເຮົາບັນລຸໄດ້ການສັກວັກຊິນທົ່ວໄປ”.

ທ່ານ Abdulla Shahid ກໍ່ໃຫ້ຮູ້ວ່າ ສະມັດຊາໃຫຍ່ ສປຊ ຈະຈັດເຫດການ 1 ໃນວັນທີ 26 ຕຸລາ ດ້ວຍຫົວຂໍ້ “ການກະທຳເພື່ອດິນຟ້າອາກາດ ໃຫ້ແກ່ມະນຸດ, ໜ່ວຍໂລກ ແລະ ຄວາມວັດທະນາຖາວອນ” ເພື່ອປຶກສາຫາລືວິທີການຮັບມືກັບຄວາມນາບຂູ່ ຈາກສະພາບການປ່ຽນແປງຂອງດິນຟ້າອາກາດ. ກ່ຽວກັບຫົວຂໍ້ນີ້, ທ່ານ Abdulla Shahid ໃຫ້ຮູ້ວ່າ ໃນສະພາບການໂລກລະບາດໂຄວິດ - 19 ຍັງມີຕໍ່ສ້າງຜົນກະທົບຢ່າງຮ້າຍແຮງ, ໂລກ ຍິ່ງຮັບຮູ້ໄດ້ຢ່າງຈະແຈ້ງວ່າ ເພື່ອຟື້ນຟູພາຍຫຼັງວິກິດການນີ້, “ເລື່ອງບັນລຸໄດ້ທັດສະນະຢ່າງແຮງກ່ວາອີກ ກ່ຽວກັບຄວາມສະເໝີພາບລະຫວ່າງຍິງ - ຊາຍໃນບັນດາຄວາມມານະພະຍາຍາມຮັບມື ແລະ ຟື້ນຟູແມ່ນສຳຄັນທີ່ສຸດ”, ພ້ອມທັງເນັ້ນໜັກວ່າ ການຮ່ວມມືຫຼາຍຝ່າຍ ຍັງຄົງແມ່ນມາດຕະການອັນໜຶ່ງດຽວ ເພື່ອແກ້ໄຂບັນດາສິ່ງທ້າທາຍລວມ.