ຕອນບ່າຍວັນທີ 01 ເມສາ, ຢູ່ນະຄອນຫຼວງ Maputo, ປະເທດໂມຊຳບິກ, ໄດ້ດຳເນີນພິທີມອບຮັບທັນຍາອາຫານຊ່ວຍເຫຼືອມະນຸດສະທຳຂອງສູນກາງສະມາຄົມພຸດທະສາສະໜາຫວຽດນາມ, ສະມາຄົມພຸດທະສາສະໜາ ແລະ ປະຊາຄົມຊາວຫວຽດນາມ ປະຈຳໂມຊຳບິກ ຈຳນວນ 20 ລ້ານໂຕນ ທີ່ສະໜັບສະໜູນຜູ້ປະສົບເຄາະຮ້າຍຈາກພາຍຸ Idai ໃນກາງເດືອນມີນາ ຜ່ານມາ. ພະອາຈານໃຫຍ່ ທິ໊ກດົ່ງເຫ້ວ, ກຳມະການສະພາບໍລິຫານສູນກາງພຸດທະສາສະໜາຫວຽດນາມ ໃຫ້ຮູ້ວ່າ, ຂອງຂວັນນີ້ບໍ່ພຽງແຕ່ສະແດງໃຫ້ເຫັນເຖິງຄວາມສາມັກຄີ, ການແບ່ງເບົາຂອງສູນກາງສະມາຄົມ, ບັນດາພຸດທະສາສະນິກກະຊົນຫວຽດນາມ ເທົ່ານັ້ນ, ຫາກຍັງມາຈາກບັນດາພຸດທະສາສະນິກກະຊົນ ເຊິ່ງປະຈຸບັນພວມດຳລົງຊີວິດຢູ່ໂມຊຳບິກ ອີກດ້ວຍ. ພະອາຈານໃຫຍ່ ປາດຖະໜາວ່າ, ອຳນາດການປົກຄອງ ແລະ ປະຊາຊົນປະເທດປະຈຳຖິ່ນຈະຜ່ານຜ່າຄວາມຫຍຸ້ງຍາກໃນປະຈຸບັນໂດຍໄວ, ກໍຄືປະຕິບັດວຽກງານແກ້ໄຂຜົນຮ້າຍຢ້ອນຫຼັງຈາກພາຍຸຢ່າງສະດວກ ແລະ ປອດໄພ, ສະຫງົບສຸກ.

        ກ່ອນໜ້ານັ້ນ, ກຸ່ມບໍລິສັດໂທລະຄົມມະນາຄົມ Movitel (ບໍລິສັດຮ່ວມທຸລະກິດຂອງກຸ່ມບໍລິສັດ Viettel ຢູ່ໂມຊຳບິກ) ໄດ້ມອບທັນຍາຫານ 50 ລ້ານໂຕນ ໃຫ້ອຳນາດການປົກຄອງແຂວງ Sofala ເຊິ່ງແມ່ນທ້ອງຖິ່ນທີ່ຖືກຜົນຮ້າຍຢ່າງໜັກໜ່ວງທີ່ສຸດຈາກພາຍຸ Idai.