(vovworld) - ການນຳບັນດາປະເທດທີ່ເຂົ້າຮວ່ມການເຈລະຈາສັນຍາການພົວພັນຄູ່ຮ່ວມມືເສດຖະກິດຍຸດທະສາດເຂດປາຊີຝິກ (ຫຼື TPP), ໃນນັ້ນມີຫວຽດນາມ, ຢືນຢັນຄວາມຕັດສິນໃຈເຮັດສຳເລັດຂໍຕົກລົງນີ້ ເພື່ອແນໃສ່ຊຸກຍູ້ການຫັນເປັນການຄ້າເສລີ ແລະ ການລົງທຶນໃນພາກພື້ນ. ຄຳຖະແຫຼງໄດ້ຍົກອອກມາໃນຕອນເຊົ້າວັນທີ 11/9 ເນື່ອງໃນໂອກາດຮອບເຈລະຈາສັນຍາການພົວພັນຄູ່ຮ່ວມມືເສດຖະກິດຍຸດທະສາດເຂດປາຊີຝິກ ຄັ້ງທີ 14 ທີ່ພວມດຳເນີນໄປຢູ່ລັດ Virginia, ສະຫະລັດອາເມລິກາ. ບັນດາການນຳໄດ້ສະແດງຄວາມເຊື່ອໝັ້ນວ່າ, ດ້ວຍບັນດາຄວາມຄຶບໜ້າທີ່ບັນລຸໄດ້ ຜ່ານຮອບເຈລະຈາເປັນ 13 ຄັ້ງມາຮອດປະຈຸບັນ, ຈຸດໝາຍສຳເລັດສັນຍາ TPP ພວມຢູ່ໃນກຳມື, ໄດ້ເປີດອະນາຄົດໃໝ່ໃຫ້ແກ່ການການຄ້າເສລີໃນທົ່ວພາກພື້ນອາຊີ - ປາຊີຝິກ.
ທຸກຄົນຫວັງວ່າ TPP ຈະສ້າງບາດກ້າວກະໂດດຂັ້ນເພື່ອໃຫ້ຫວຽດນາມ ຍູ້ແຮງການສົ່ງອອກ ແລະ ຍົກສູງກຳລັງແກ່ງແຍ້ງຢູ່ພາຍໃນປະເທດ. ຕາມການຄາດຄະເນຂອງບັນດາຜູ້ຊ່ຽວຊານອາເມລິກາ, TPP ຈະສ້າງລາຍຮັບໃຫ້ແກ່ຫວຽດນາມ ເປັນຈຳນວນເງິນ 36 ຕື້ USD, ເທົ່າກັບ 15,5% GDP ໃນປີ 2025, ເຊິ່ງແມ່ນລະດັບສູງສຸດໃນຈຳນວນບັນດາປະເທດເຂົ້າຮ່ວມສັນຍານີ້.