(vovworld) – ສັນຍາ​ຄູ່​ຮ່ວມ​ມື​ຂ້າມ​ປາຊີ​ຟິກ - ບັນດາ​ບັນຫາ​ທີ່ວິ​ສາ​ຫະກິດ​ຕ້ອງ​ຮູ້ - ນີ້​ແມ່ນ​ຫົວ​ຂໍ້​ຂອງ​ກອງ​ປະຊຸມ​ສຳ​ມະ​ນາ​ໂດຍ​ຫ້ອງການ​ການ​ຄ້າ ​ແລະ ອຸດສາຫະກຳ ຫວຽດນາມ (VCCI) ຈັດ​ຕັ້ງ​ໃນ​ຕອນ​ເຊົ້າ​ວັນ​ທີ 29/1, ຢູ່ ຮ່າ​ໂນ້ຍ, ອັນ​ໄດ້ດຶງ​ດູດ​ການ​ເຂົ້າ​ຮ່ວມ​ຂອງ​ນັກ​ຊ່ຽວຊານ ​ແລະ ວິ​ສາ​ຫະກິດ​ພາຍ​ໃນ​ປະ​ເທດ​ຢ່າງ​ຫຼວງ​ຫຼາຍ. ທີ່​ກອງ​ປະຊຸມ​ສຳ​ມະ​ນາ, ທ່ານ ຫວູຕ໋ຽນ​ໂລກ, ປະທານ VCCI, ​​ຖື​ວ່າ: ​ເຂົ້າ​ຮ່ວມ​ສັນຍາ​ຄູ່​ຮ່ວມ​ມື​ຂ້າມປາຊີ​ຟິກ (TPP) ຈະ​ມີ​ຕະຫຼາດ​ອັນ​ໃຫຍ່​ຫຼວງ​ດ້ວຍ​ພົນ​ລ​ະ​ເມືອງ 800 ລ້ານ​ຄົນ, ກວມ 40% GDP ຂອງ​ໂລກ ​ແລະ ມູນ​ຄ່າ​ການ​ແລກປ່ຽນສິນ​ຄ້າ​ກວມ 30% ມູນ​ຄ່າການ​ຄ້າ​ທົ່ວ​ໂລກ… ທ່ານ ຫວູຕ໋ຽນ​ໂລກ, ປະທານ VCCI, ​ໃຫ້​ຮູ້​ວ່າ:

        “​ໄລຍະ​ຈະ​ມາ​ເຖິງ, VCCI ຈະ​ສົມທົບ​ກັບ​ຄະນະ​ນັກເຈລະຈາ​ຂອງ​ລັດຖະບານ​ສ້າງ​​ແຜນການ​ໂຄສະນາ​​ເຜີຍ​ແຜ່ໃຫ້​ປະຊາ​ຄົມ​ວິ​ສາ​ຫະກິດ, ກໍ​ຄື​ຈັດ​ຕັ້ງ​ບັນດາ​ກອງ​ປະຊຸມ​ສຳ​ມະ​ນາ​ກ່ຽວ​ກັບ​ຫົວ​ຂໍ້ TPP ​ໃນ​ທົ່ວ​ປະ​ເທດ. ​ໄລຍະ​ຈະ​ມາ​ເຖິງ, ພວກ​ຂ້າພະ​ເຈົ້າ​ຈະ​ສ້າງ​ຕັ້ງ​ສູນ​ຂໍ້​ມູນ​ຂ່າວ​ຜ່ານ​ເຄືອ​ຂ່າຍ​ອິນ​ເຕີ​ເນັດ​ກ່ຽວ​ກັບ TPP ​ແລະ ມຸ່ງ​ໄປ​ເຖິງ​ຮຽບຮຽງ​ປື້​ມ​ແນະນຳ​ໃຫ້​ວິ​ສາ​ຫະກິດ​ຕາມ​ແຕ່​ລະ​ຂະ​ແໜງ​ສິນຄ້າ​ລະອຽດ.”