(vovworld) – ​​ຕອນ​ບ່າຍ​ວັນ​ທີ 22/09 (ຕາ​ເວລາ​ອາ​ເມ​ລິ​ກາ), ສັນຕະປາປາ Vatican, Francis ​ໄດ້​​ໄປ​ຮອດ​ລັດ Maryland, ​ເລີ່​ມຕົ້ນ​ການ​ຢ້ຽມຢາມ​ອາ​ເມ​ລິ​ກາ ​ເປັນ​ເວລາ 6 ວັນ. ນີ້​ແມ່ນ​ການ​ຢ້ຽມຢາມອາ​ເມ​ລິ​ກາ ຄັ້ງທຳ​ອິດ​ຂອງ​ສັນຕະປາປາ Francis. ​ໃນ​ການ​ຢ້ຽມຢາມ​ຄັ້ງ​ນີ້​, ສັນຕະປາປາ Francis ຈະ​ມີ​ການ​ພົບ​ປະ​ເຈະລະຈາ​ກັບ​ທ່ານ​ປະທານາທິບໍດີ​ອາ​ເມ​ລິ​ກາ Barack Obama, ກ່າວ​ຄຳ​ເຫັນ​ຕໍ່ໜ້າ​ສະພາ​ແຫ່ງ​ຊາດ​ອາ​ເມ​ລິ​ກາ ​ແລະ ​ສະ​ປະຊາ​ຊາດ ​ກໍ​ຄືເຂົ້າ​ຮ່ວມ​ກອງປະຊຸມ​ສຳມ​ະນາ​ກ່ຽວ​ກັບ​ຄອບຄົວ​ຢູ່​ນະຄອນ Philadelphia, ລັດ Pensylvania. ກ່າວ​ຄຳ​ເຫັນ​ກັບ​ວົງ​ການ​ນັກ​ຂ່າວ​​ໃນ​ທ້ຽວບິນ​ຈາກ​ກຸຍ​ບາ ​ເຖິງ​ອາ​ເມ​ລິາ, ສັນຕະປາປາ Francis ສະ​ແດງ​ຄວາມ​ຫວັງ​ວ່າ, ອາ​ເມ​ລິ​ກາ ຈະ​ຍົກ​​ເລິກ​ຄຳ​ສັ່ງ​ຂວ້ຳ​ບາດ​ປິດ​ລ້ອມ​ດ້ານ​ເສດຖະກິດ ​​ເຊິ່ງ​ໄດ້​ຈັດ​ວາງ​ເປ​ັນ​ເວລາ​ກວ່າ​ເຄິ່ງທົດ​ສະຫວັດ​ຜ່ານ​ມາ​ເພື່ອຕ້ານ​ກຸຍ​ບາ. ສັນຕະປາປາ Francis ​ແມ່ນ​ໜຶ່ງ​ໃນ​ບັນດາ​ຜູ້​ເປັນ​ຄົນ​ກາງ​ໄກ່​ເກ່ຍ​ເພື່ອພາ​ໄປ​ເຖິງ​ຂໍ້​ຕົກລົງ​ສ້າງ​ການ​ພົວພັນ​​ເປັນ​ປົກກະຕິ​ລະຫວ່າງ​ອາ​ເມ​ລິ​ກາ ​ແລະ ກຸຍ​ບາ ເມື່ອ​ທ້າຍ​ປີ 2014 ຜ່າ​ນມາ.