ແຂກທ່ອງທ່ຽວ ຈີນ ເຮັດລະບຽບການເຂົ້າເມືອງ ຫວຽດນາມ ຢູ່ດ່ານຊາຍແດນ ລາຍກາຍ (ພາບ: TTXVN)

ຕອນບ່າຍວັນທີ 9 ມີນາ, ໃນກອງປະຊຸມຖະແຫຼງຂ່າວສະໄໝສາມັນຂອງ ກະຊວງການຕ່າງປະເທດ ຫວຽດນາມ ຢູ່ຮ່າໂນ້ຍ, ເມື່ອຕອບສຳພາດນັກຂ່າວກ່ຽວກັບແຫຼ່ງຂ່າວທີ່ວ່າ ຈີນ ນຳ ຫວຽດນາມ ເຂົ້າໃນບັນຊີລາຍຊື່ປະຕິບັດທົດລອງການເປີດປະຕູການທ່ອງທ່ຽວເປັນຄະນະ, ທ່ານນາງຮອງໂຄສົກກະຊວງການຕ່າງປະເທດ ຫວຽດນາມ ຟ້າມທູຮັ່ງ ຊີ້ແຈ້ງວ່າ ການທ່ອງທ່ຽວ ແມ່ນໜຶ່ງໃນບັນດາຂົງເຂດຮ່ວມມືສຳຄັນລະຫວ່າງ ຫວຽດນາມ ແລະ ຈີນ, ແລະ ກໍແມ່ນຂົງເຂດຮ່ວມມືສຳຄັນລະຫວ່າງ ຫວຽດນາມ ກັບ ຈີນ, ກໍຄືໃນການພົວພັນແລກປ່ຽນປະຊາຊົນລະຫວ່າງສອງປະເທດ. ຕາມແຫຼ່ງຂ່າວຫຼ້າສຸດ, ລັດຖະບານ ຈີນ ຄາດວ່າຈະນຳ ຫວຽດນາມ ເຂົ້າໃນບັນຊີລາຍຊື່ເປີດທົດລອງການທ່ອງທ່ຽວເປັນຄະນະຄືນໃໝ່ ນັບແຕ່ວັນທີ 15 ມີນາ ຈະມາເຖິງ. ທ່ານນາງ ຟ້າມທູຮັ່ງ ເນັ້ນໜັກວ່າ ຫວຽດນາມ ປາດຖະໜາຢາກໃຫ້ສອງຝ່າຍສືບຕໍ່ຮ່ວມມືກັນຢ່າງແໜ້ນແຟ້ນ, ພ້ອມກັນຊຸກຍູ້ເພື່ອໃຫ້ການທ່ອງທ່ຽວສອງປະເທດຟື້ນຟູ, ພັດທະນາຢ່າງແຮງ, ເພື່ອຜົນປະໂຫຍດຂອງສອງຝ່າຍ ແລະ ຕອບສະໜອງຄວາມຕ້ອງການຂອງປະຊາຊົນສອງປະເທດ.

ກ່ອນໜ້ານັ້ນ, ທ່ານ ຫງວຽນຈູງແຄງ ຫົວໜ້າກົມໃຫຍ່ທ່ອງທ່ຽວ ຫວຽດນາມ ຢັ້ງຢືນວ່າ:

“ນີ້ແມ່ນໂອກາດອັນໃຫຍ່ຫຼວງສຳລັບການທ່ອງທ່ຽວ ຫວຽດນາມ ເພາະວ່າ ພວກເຮົາມີທີ່ຕັ້ງພູມີສາດ, ທາງບົກ, ທາງທະເລ ກໍຄື ການບິນ ດ້ວຍຕະຫຼາດທີ່ມີຈຳນວນປະຊາກອນຫຼາຍທີ່ສຸດ ແລະ ມີຄວາມສາມາດບົ່ມຊ້ອນ. ພວກເຮົາຕ້ອງມີການກະກຽມຢ່າງລອບຄອບຖີ່ຖ້ວນເພື່ອຕ້ອນຮັບແຂກທ່ອງທ່ຽວທີ່ມາຈາກ ຈີນ ຢ່າງມີປະສິດທິຜົນ. ໄປຄຽງຄູ່ກັນນັ້ນ, ຕ້ອງຍົກສູງກຳລັງຄວາມສາມາດແກ້ງແຍ້ງຂອງສະຖານທີ່ທ່ອງທ່ຽວ, ຮັບປະກັນຄຸນນະພາບຂອງສະຖານທີ່ທ່ອງທ່ຽວ ເພື່ອດຶງດູດແຂກທ່ອງທ່ຽວຈາກຕະຫຼາດຈຸດສຸມນີ້ໃຫ້ມີຄຸນນະພາບດີກວ່າເກົ່າ”.