(vovworld) - ຕອນເຊົ້າວັນທີ 18/12, ຢູ່ຮ່າໂນ້ຍ, ທະນາຄານແຫ່ງລັດໄດ້ຈັດກອງປະຊຸມທົ່ວຂະແໜງ ເພື່ອແນໃສ່ຕີລາຄາໝາກຜົນການເຄື່ອນໄຫວຂອງທະນາຄານໃນປີ 2013 ແລະ ຜັນຂະຫຍາຍໜ້າທີ່ປີ 2014. ກ່າວຄຳເຫັນຊີ້ນຳກອງປະຊຸມ, ທ່ານນາຍົກລັດຖະມົນຕີ ຫງວຽນເຕີນຢຸງ ເນັ້ນໜັກວ່າ: ໜຶ່ງໃນບັນດາໜ້າທີ່ຈຸດສຸມອັນດັບໜຶ່ງຂອງຂະແໜງທະນາຄານແມ່ນຊີ້ນຳບໍລິຫານນະໂຍບາຍເງິນຕາຢ່າງລະມັດລະວັງ, ມີປະສິດທິຜົນ, ຂະຫຍັນຂັນເຄື່ອນ ແລະ ເໝາະສົມກັບຄາດໝາຍຄວບຄຸມໄພເງິນເຟີ້, ເພີ່ມທະວີຄວາມສະຖຽນລະພາບດ້ານເສດຖະກິດມະຫາພາກ, ສ້າງເງື່ອນໄຂໜູນຊ່ວຍວິສາຫະກິດກູ້ຢືນທຶນ, ຟື້ນຟູການຜະລິດດຳເນີນທຸລະກິດ, ຊຸກຍູ້ການເຕີບໂຕ. ບົນພື້ນຖານບັນດາຈຸດໝາຍ, ໜ້າທີ່ເຊິ່ງລັດຖະບານໄດ້ວາງອອກໃນປີ 2014. ທ່ານນາຍົກລັດຖະມົນຕີ ຫງວຽນເຕີນຢຸງ ເນັ້ນໜັກວ່າ.
“ບັນດາທະນາຄານອ່ອນດອຍ, ຍັງປະສົບຄວາມຫຍຸ້ງຍາກ, ໜີ້ເສຍສູງ, ການຄຸ້ມຄອງບໍ່ກະຈ່າງແຈ້ງ, ກ່ອນອື່ນໝົດຕ້ອງສ້າງໂຄງປະກອບຄືນໃໝ່ດ້ວຍຕົນເອງ ແລ້ວລັດເຂົ້າຮ່ວມຕາມຫຼັງ. ຖ້າຫາກທະນາຄານແຫ່ງລັດບໍ່ສືບຕໍ່ຊຸກຍູ້ການສ້າງໂຄງປະກອບຄືນໃໝ່ຢ່າງເດັດຂາດ ຈະພາໄປເຖິງຄວາມຍໍ້ທໍ້, ລົ້ມລະລາຍ, ຫຍຸ້ງຍາກ, ຂາດສະຖຽນລະພາບໃຫ້ພື້ນຖານເສດຖະກິດ.”
ທ່ານນາຍົກລັດຖະມົນຕີ ຫງວຽນເຕີນຢຸງ ສະເໜີໃຫ້ຂະແໜງທະນາຄານ ຄວນສຸມໃສ່ຫຼຸດຜ່ອນໜີ້ເສຍຢ່າງວ່ອງໄວ; ເພີ່ມທະວີວຽກງານກວດກາ, ຕິດຕາມກວດກາການເຄື່ອນໄຫວຂອງບັນດາອົງການສິນເຊື່ອທະນາຄານ.