ລະເບີດຂຶ້ນຢູ່ໂບດ Medina
(ພາບ:
BBC)
(vovworld) – ວັນທີ 4/7, ໄດ້ເກີດເຫດວາງລະເບີດສະຫຼະຊີບ 3 ຄັ້ງຢູ່ ອາຣັບບີ ຊາອຸດິ ເຮັດໃຫ້ຢ່າງໜ້ອຍສຸດມີພາລະກອນປ້ອງກັນຄວາມສະຫງົບ 4 ຄົນເສຍຊີວິດ. ກະຊວງພາຍໃນ ອາຣັບບີ ຊາອຸດິ ໃຫ້ຮູ້ວ່າ: ເຫດວາງລະເບີດເກີດຂຶ້ນຢູ່ນອກໂບດແຫ່ງໜຶ່ງຢູ່ Medina, ເຮັດໃຫ້ຢ່າງໜ້ອຍສຸດມີ 4 ຄົນເສຍຊີວິດ ແລະ ອີກ 5 ຄົນຖືກຮັບບາດເຈັບ. ນີ້ແມ່ນໜຶ່ງໃນບັນດາສະຖານທີ່ສັກສິດທີ່ສຸດຂອງຊາວ ມຸດສະລິມ. ຕາມກະຊວງດັ່ງກ່າວແລ້ວ, ກຳລັງປ້ອງກັນຄວາມສະຫງົບໄດ້ພະຍາຍາມສະກັດກັ້ນເປົ້າໝາຍທີ່ຖືກສົງໄສຢູ່ບ່ອນຈອດລົດຂອງກຳລັງປ້ອງກັນຄວາມສະຫງົບ ແຕ່ບັກນີ້ໄດ້ໃຫ້ລະເບີດຕິດຕົວແຕກອອກ. ແລະກໍ່ໃນວັນດຽວກັນ, ຜູ້ບຸກໂຈມຕີສະຫຼະຊີບຄົນໜຶ່ງໄດ້ດຳເນີນການວາງລະເບີດຢູ່ໃກ້ກັບສະຖານກົງສູນ ອາເມລິກາ ຢູ່ນະຄອນ Jeddah, ປະເທດ ອາຣັບບີ ຊາອຸດິ. ເຫດວາງລະເບີດດັ່ງກ່າວເຮັດໃຫ້ຕຳຫຼວດ 2 ຄົນຖືກຮັບບາດເຈັບ ແລະ ຕົວການເສຍຊີວິດຢູ່ກັບທີ່. ກະຊວງພາຍໃນ ອາຣັບບີ ຊາອຸດິ ໃຫ້ຮູ້ວ່າ: ເປົ້າໝາຍວາງລະເບີດສະຫຼະຊີບແມ່ນຊາວຕ່າງປະເທດຜູ້ໜຶ່ງພວມອາໄສຢູ່ປະເທດນີ້. ປະຈຸບັນ, ບໍ່ທັນຮູ້ຈຸດປະສົງຂອງບັນດາເປົ້າໝາຍວາງລະເບີດນີ້ເທື່ອ.