ທ່ານ ນາງ ເຈືອງທິມາຍ ຕີລາຄາສູງວຽກງານການກະກຽມໃຫ້ແກ່ກອງປະຊຸມໃຫຍ່ຜູ້ແທນຄະນະຊາວໜຸ່ມກອມມູນິດໂຮ່ຈີມິນ ຄັ້ງທີ XI, ອາຍຸການ 2017-2022 ດ້ວຍຫຼາຍຈຸດໃໝ່ເມື່ອທຽບກັບບັນດາກອງປະຊຸມໃຫຍ່ທີ່ຜ່ານມາ. ຫົວໜ້າຄະນະຂົນຂວາຍປະຊາຊົນສູນກາງ ສະເໜີໃຫ້ສູນກາງຄະນະຊາວໜຸ່ມກອມມູນິດໂຮ່ຈີມິນ ສືບຕໍ່ຄົ້ນຄວ້າໜູນຊ່ວຍຊາວໜຸ່ມຜ່ານຜ່າຄວາມຫຍຸ້ງຍາກ, ສິ່ງທ້າທາຍໃນບັນຫາວຽກເຮັດງານທຳ, ກຳນົດທິດດ້ານວິຊາຊີບ; ສ້າງກຳລັງໜູນຊ່ວຍເຫຼືອບັນດາກຸ່ມຊາວໜຸ່ມ ໃນວິວັດການກໍ່ຮ່າງສ້າງຕົວ, ສ້າງອາຊີບ, ປະກອບສ່ວນຮັບປະກັນຊີວິດສັງຄົມໃຫ້ປະເທດຊາດ, ພ້ອມກັນນັ້ນ ເພີ່ມທະວີການສົມທົບການສຶກສາດ້ານທັກສະ, ວິຊາສະເພາະ, ຄຸນສົມບັດດ້ານວິຊາການໃຫ້ຊາວໜຸ່ມ.