ບັກກ້ານ ຫວັງວ່າ ຈະກາຍເປັນຈຸດນັດພົບທີ່ດູດດຶ່ມຂອງນັກທ່ອງທ່ຽວຢູ່ພາຍໃນ ແລະ ຕ່າງປະເທດ (ພາບປະກອບ)

ຄະນະກຳມະການປະຊາຊົນແຂວງ ບັກກ້ານ ໄດ້ຈັດ “ສັບປະດາທ່ອງທ່ຽວ - ມໍລະດົກວັດທະນະທຳ ບາເບ ປີ 2022” ຂຶ້ນໃນລະຫວ່າງວັນທີ 03 – 06 ມິຖຸນາ, ດ້ວຍຫຼາຍເຫດການຄື: ກອງປະຊຸມສົ່ງເສີມ, ໂຄສະນາການທ່ອງທ່ຽວ ບາເບ; ເທດສະການອາຫານການກິນພື້ນເມືອງ ແລະ ງານວາງສະແດງ, ແນະນຳບັນດາຜະລິດຕະພັນກະເສດ ລວມມີຮ້ານວາງສະແດງ 32 ຮ້ານ. ດ້ວຍສານທີ່ວ່າ “ບັກກ້ານ ຈຸດນັດພົບທີ່ປອດໄພ, ເປັນມິດ, ດຶງດູດໃຈ”, ຂະແໜງທ່ອງທ່ຽວແຂວງ ບັກກ້ານ ຫວັງວ່າ ຈະກາຍເປັນຈຸດນັດພົບທີ່ດູດດຶ່ມຂອງນັກທ່ອງທ່ຽວຢູ່ພາຍໃນ ແລະ ຕ່າງປະເທດ. ທ່ານ ຟ້າມຢຸຍຮືງ, ຮອງປະທານຄະນະກຳມະການປະຊາຊົນແຂວງ ບັກກ້ານ, ໃຫ້ຮູ້ວ່າ:

        “ດ້ວຍເລື່ອງຈັດສັບປະດາທ່ອງທ່ຽວ ບາເບ ນີ້, ພວກຂ້າພະເຈົ້າຈະນຳເອົາຄຸນຄ່າ, ພາບຫຼັກແຫຼ່ງກ່ຽວກັບບ້ານເກີດເມືອງນອນ ບັກກ້ານ ກໍຄືທັດສະນີຍະພາບໜອງ ບາເບ ແລະ ຊາວ ບັກກ້ານ ມາໃຫ້ພໍ່ແມ່ປະຊາຊົນ, ນັກທ່ອງທ່ຽວຢູ່ພາຍໃນປະເທດ ແລະ ຕ່າງປະເທດ. ການເຄື່ອນໄຫວດັ່ງກ່າວແມ່ນເພື່ອແນໃສ່ດຶງດູດນັກທ່ອງທ່ຽວມາທ່ຽງຢູ່ໜອງ ບາເບ ເວົ້າສະເພາະ ແລະ ແຂວງ ບັກກ້ານ ເວົ້າລວມ, ກໍຄືໂຄສະນາຄວາມສາມາດບົ່ມຊ້ອນດ້ານການທ່ອງທ່ຽວຂອງ ບັກກ້ານ ເພື່ອດຶງດູດນັກລົງທຶນມາລົງທຶນຢູ່ ບັກກ້ານ ໃນອະນາຄົດ”.