ສັບປະດາວັດທະນະ ທຳອິນເດຍຢູ່ ນະຄອນໂຮ່ຈິມິນ
ການປະຊຸມຂ່າວແນະນຳສັບປະດາ
ວັດທະນະທຳອິນເດຍຢູ່ນະຄອນໂຮ່ຈິມິນ
(ພາບ: vov)
(vovworld)- ຕອນຄ່ຳວັນທີ 27/2, ຢູ່ນະຄອນໂຮ່ຈິມິນ, ໄດ້ຈັດການປະຊຸມຂ່າວແນະນຳ “ສັບປະດາວັດທະນະທຳອິນເດຍຢູ່ນະຄອນໂຮ່ຈິມິນ“ ໂດຍສະຖານທູດ, ກົງສູນໃຫ່ຍອິນເດຍ, ກະຊວງວັດທະນະທຳອິນເດຍ ສົມທົບກັບກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ, ຄະນະກຳມະການ ປຊຊ ນະຄອນໂຮ່ຈິມິນ, ສະມາຄົມພຸດທະສາສະໜາຫວຽດນາມ ຈັດຕັ້ງຂຶ້ນ.
ກ່າວຄຳເຫັນທີ່ການປະຊຸມຂ່າວ, ທ່ານນາງ Preeti Saran ເອກອັກຄະລັດຖະທູດອິນເດຍ ປະຈຳຫວຽດນາມ ຢືນຢັນວ່າ:
“ສັບປະດາວັດທະນະທຳອິນເດຍ ຢູ່ນະຄອນໂຮ່ຈິມິນ ຖືກຈັດຂຶ້ນເພື່ອແນໃສ່ສະແດງໃຫ້ເຫັນນ້ຳໃຈມິດຕະພາບລະຫວ່າງອິນເດຍ ແລະ ຫວຽດນາມ ພາຍຫຼັງການຢ້ຽມຢາມອິນເດຍ ເມື່ອເດືອນ 11/2013 ຂອງທ່ານເລຂາທິການໃຫ່ຍຫງວຽນຫງວຽນຟູຈ້ອງ ດ້ວຍບັນດາຂໍ້ຕົກລົງສຳຄັນຂອງລັດຖະບານສອງປະເທດ, ຍົກສາຍພົວພັນລະຫວ່າງສອງຝ່າຍຂຶ້ນສູ່ລະດັບສູງໃໝ່. ສັບປະດາວັດທະນະທຳຄັ້ງນີ້ ກໍ່ເພື່ອແນໃສ່ຊຸກຍູ້ບັນດາການພົວພັນດ້ານປະຫວັດສາດ ແລະ ວັດທະນະທຳລະຫວ່າງອິນເດຍ ແລະ ຫວຽດນາມ ກ່ວາອີກ“./.