ສັບປະດາວັດທະນະທຳກິລາ - ການທ່ອງທ່ຽວທັດສະນີຍະພາບນາຂັ້ນໄດ
ນາຂັ້ນໄດ ຢູ່ Mu Cang Chai
ພາບ: dulich.com
|
(vovworld) - ສັບປະດາວັດທະນະທຳ ກິລາ ແລະ ການທ່ອງທ່ຽວທັດສະນີຍະພາບນາຂັ້ນໄດປີ 2012 ຈະດຳເນີນຢູ່ເມືອງ Mu Cang Chai ແຂວງ Yen Bai ແຕ່ວັນທີ 14 -20/9. ໃນຂອບເຂດສັບປະດາວັດທະນະທຳດັ່ງກ່າວຈະດຳເນີນງານຕະຫລາດນັດເຂດພູສູງ, ງານຕະຫລາດນັດການຄ້າການທ່ອງທ່ຽວ; ການແນະນຳຮູບພາບກ່ຽວກັບນາຂັ້ນໄດ Mu Cang Chai, ຈັດຕັ້ງບັນດາລາຍການທ່ອງທ່ຽວຊີວະພາບ ແລະ ພະຈົນໄພ; ຈັດຕັ້ງການພົບປະແລກປ່ຽນ, ການແຂ່ງຂັນກິລາພື້ນເມືອງປະເພດຕ່າງໆ. ນີ້ແມ່ນຄັ້ງທີ 2 ແຂວງ Yen Bai ຈັດຕັ້ງສັບປະດາວັດທະນະທຳ ກິລາ ແລະ ການທ່ອງທ່ຽວທັດສະນີຍະພາບນາຂັ້ນໄດ. ເຫດການນີ້ແມ່ນກາລະໂອກາດໂຄສະນາພາບພົດປູຊະນີຍະສະຖານແຫ່ງຊາດນາຂັ້ນໄດ Mu Cang Chai ກໍຄືບັນດາຈຸດວັດທະນະທຳທ້ອງຖິ່ນທີ່ເປັນເອກະລັກສະເພາະຂອງປະຊາຊົນເຜົ່າມົ້ງ ມາສູ່ນັກທ່ອງທ່ຽວພາຍໃນ ແລະ ຕ່າງປະເທດ, ຈາກນັ້ນ ພັດທະນາການທ່ອງທ່ຽວ, ຍົກສູງຊີວິດການເປັນຢູ່ທາງດ້ານວັດຖຸ ແລະ ຈິດໃຈໃຫ້ແກ່ປະຊາຊົນເມືອງພູສູງທີ່ທຸກຍາກກວ່າໝູ່ໃນທົ່ວປະເທດ. ທ່ານ Nguyen Trong Khang ຮອງປະທານຄະນະກຳມະການປະຊາຊົນເມືອງ Mu Cang Chai ແຂວງ Yen Bai ໃຫ້ຮູ້ວ່າ:
“ພວກຂ້າພະເຈົ້າໄດ້ສົມທົບກັບພະແນກວັດທະນະທຳ ກິລາ ແລະ ການທ່ອງທ່ຽວ ສ້າງແຕ່ລະລາຍໃນສັບປະດາໃຫ້ສຳເລັດໂດຍພື້ນຖານແລ້ວ. ເນື້ອໃນຂອງສັບປະດາວັດທະນະທຳ ລວມມີ: ການແນະນຳທັດສະນີຍະພາບນາຂັ້ນໄດ, ບັນດາຈຸດ ວັດທະນະທຳທີ່ເປັນເອກະລັກສະເພາະຂອງ ປະຊາຊົນເຜົ່າມົ້ງ.”