ສປຊ ປາດຖະໜາວ່າ ຢາວັກຊິນກັນເຊື້ອ Covid – 19 ຈະໄດ້ຮັບການແບ່ງປັນ
(VOVWORLD) -ໃນວັນທີ 20 ເມສາ, ທ່ານ Stephane Dujarric ໂຄສົກຂອງເລຂາທິການໃຫຍ່ ສປຊ ໃຫ້ຮູ້ວ່າ ທ່ານ Antonio Guterres ເລຂາທິການໃຫຍ່ ສປຊ ມີຄວາມປາດຖະໜາຢາກ ໃຫ້ມີຢາວັກຊິນກັນເຊື້ອ ພະຍາດ Covid – 19 ຕ້ອງແຈກຢາຍໃຫ້ແກ່ທຸກໆຄົນໃນໂລກ.
 ພາບປະກອບ: TTXVN |
ໃນການຖະແຫຼງຂ່າວທາງອອນລາຍ, ທ່ານ Stephane Dujarric ຖືວ່າ ມີການແກ້ງແຍ້ງກັນລະຫວ່າງບັນດາບໍລິສັດຜະລິດວັກຊີນແມ່ນສິ່ງທີ່ດີ, ແຕ່ວ່າ ຖ້າມີການຮ່ວມມືກັນຍິ່ງດີກ່ວາອີກ.
ທ່ານ Stephane Dujarric ກໍ່ໃຫ້ຮູ້ວ່າ ເລຂາທິການໃຫຍ່ ສປຊ ໄດ້ຕິດຕໍ່ປະສານງານກັບອົງການອະນາໄມໂລກ (WHO) ຊຶ່ງແມ່ນອົງການຊີ້ນຳ ແລະ ປະສານງານທາງການແພດທົ່ວໂລກໃນລະບົບ ສປຊ ກ່ຽວກັບບັນຫານີ້. ທ່ານ Stephane Dujarric ເນັ້ນໜັກວ່າ ສປຊ ມີຄວາມປາດຖະໜາຢາກຮັບປະກັນວ່າ ວັກຊິນຈະບໍ່ເຮັດໃຫ້ບັນຫາບໍ່ສະເໝີພາບຮ້າຍແຮງຂຶ້ນຕື່ມ ແລະ ຈະໄດ້ຮັບການຜະລິດ ແລະ ແບ່ງປັນເພື່ອຜົນປະໂຫຍດຂອງທຸກໆຄົນ.