ວັນທີ 8 ມິຖຸນາ, ທ່ານ Antonio Guterres ເລຂາທິການໃຫຍ່ ສປຊ ຮຽກຮ້ອງປະຊາຄົມສາກົນ ປະຕິບັດບັນດາການເຄື່ອນໄຫວໂດຍດ່ວນ ເພື່ອຊ່ວຍກູ້ບັນດາມະຫາສະໝຸດທີ່ພວມປະເຊີນໜ້າກັບຄວາມສ່ຽງໄພ.

        ໃນສານທີ່ໄດ້ສົ່ງໄປໃນພິທີສະເຫຼີມສະຫຼອງວັນມະຫາສະໝຸດໂລກ ເຊິ່ງຈັດຂຶ້ນໃນວັນທີ 8 ມິຖຸນາ ຂອງທຸກໆປີ, ຜູ້ນຳ ສປຊ ຖືວ່າ ມະຫາສະໝຸດສວມບົດບາດສຳຄັນສຳລັບຊີວິດຂອງໜ່ວຍໂລກ, ແຕ່ຄົນເຮົາຍັງບໍ່ທັນເອົາໃຈໃສ່ເຖິງການແກ້ໄຂບັນດາຄວາມສ່ຽງໄພຂອງມະຫາສະໝຸດ.

        ທ່ານ Antonio Guterres ເນັ້ນໜັກວ່າ ຜົນກະທົບຈາກການປ່ຽນແປງຂອງດິນຟ້າອາກາດ ເຮັດໃຫ້ລະດັບນ້ຳທະເລຍື່ງຂຶ້ນສູງນັ້ນ, ບໍ່ພຽງແຕ່ນາບຂູ່ຕໍ່ການຄົງຕົວຂອງບັນດາປະເທດເກາະນ້ອຍ ແລະ ປະຊາຊົນທີ່ດຳລົງຊີວິດຢູ່ແຄມທະເລເທົ່ານັ້ນ, ຫາກຍັງກໍ່ໃຫ້ເກີດສະພາບອາກາດທີ່ສົ່ງຜົນກະທົບບໍ່ດີຕໍ່ມວນມະນຸດອີກດ້ວຍ.