ສປຊ ແລະ ກອງທັບ ສປ.ໂກງໂກ ລົງນາມຂໍ້ຕົກລົງຮ່ວມສູ້ຮົບຢູ່ພາກຕາເວັນອອກ ສປ.ໂກງໂກ
(VOVWORLD) -ວັນທີ 8 ທັນວາ, ກຳລັງຮັກສາສັນຕິພາບ ສປຊ ປະຈຳ ສປ.ໂກງໂກ (MONUSCO)ໄດ້ລົງນາມຂໍ້ຕົກລົງ “ແນະນຳບັ້ນຮົບຮ່ວມ” ກັບກອງທັບປະເທດນີ້ ເພື່ອແນໃສ່ຜັນຂະຫຍາຍບັ້ນຮົບຮ່ວມ ຕ້ານຄືນກຸ່ມປະກອບອາວຸດ ທີ່ກໍ່ຄວາມບໍ່ສະຫງົບຢູ່ພາກຕາເວັນອອກ ຂອງປະເທດນີ້.
 ທະຫານ ຮັກສາສັນຕິພາບ ຂອງ ສປຊ ຢູ່ ໂກງໂກ (ພາບ: ສປຊ) |
ທ່ານ Affonso Da Costa ຜູ້ບັນຊາການກຳລັງຮັກສາສັນຕິພາບ ສປຊ ປະຈຳ ສປ.ໂກງໂກ ໄດ້ຕີລາຄາວ່າ ຂໍ້ຕົກລົງດັ່ງກ່າວ “ໄດ້ເຕີມເຕັມຊ່ອງຫວ່າງທີ່ປະມາດົນ ຂອງກົນໄກສົມທົບກັນຢູ່ໃນລະດັບບັ້ນຮົບຮ່ວມ”. ສ່ວນຝ່າຍກອງທັບສປ.ໂກງໂກ, ທ່ານນາຍພົນ Mbala ເສນາທິການໃຫຍ່ກອງທັບ ສປ.ໂກງໂກ ໃຫ້ຮູ້ວ່າ: ຂໍ້ຕົກລົງເອື້ອອຳນວຍ ໃຫ້ MONUSCO ປະຕິບັດໜ້າທີ່ຮ່ວມສູ້ຮົບໃຫ້ຫຼາຍກ່ວາອີກ ແທນທີ່ໃຫ້ພຽງແຕ່ສວມບົດບາດເປັນຜູ້ສັງເກດການຕາມຂໍ້ກຳນົດຂອງ ສປຊ.