(ສະຫະປະຊາຊາດ ໄດ້ຈັດພິທີສະເຫຼີມສະຫຼອງວັນບຸນວິສາຂະບູຊາສາກົນ ທາງອອນລາຍ)

ກ່າວຄຳເຫັນທີ່ພິທີ, ທ່ານເລຂາທິການໃຫຍ່ສະຫະປະຊາຊາດ Antonio Guterres ໄດ້ເນັ້ນໜັກເຖິງຈິດໃຈຂອງພຸດທະສາສະໜາ ແລະ ພະລັງຊີວິດຂອງກົດບັດສະຫະປະຊາຊາດ ນັ້ນແມ່ນການຮ່ວມມືສາກົນ ແລະ ເພີ່ມທະວີຄວາມສະໜິດຕິດພັນເພື່ອຜ່ານຜ່າບັນດາຜົນກະທົບຈາກໂລກລະບາດ ແລະ ສ້າງໂລກໃຫ້ມີຄວາມໝັ້ນຄົງ, ສ້າງຄວາມເຂັ້ມແຂງດ້ວຍຕົນເອງ ແລະ ມີຄວາມຍຸຕິທຳກວ່າໃຫ້ແກ່ທຸກໆຄົນ.

        ເຂົ້າຮ່ວມພິທີດັ່ງກ່າວ, ທ່ານເອກອັກຄະລັດຖະທູດຫວຽດນາມ ດັ້ງດິ່ງກຸຍ, ຫົວໜ້າຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ ໄດ້ຢືນຢັນເຖິງຄຸນຄ່າ ແລະ ພະລັງຊີວິດຂອງຫຼັກພະທຳຄຳສັ່ງສອນຂອງພຸດທະສາສະໜາໃນສະພາບໂລກພວມປະເຊີນໜ້າກັບບັນດາສິ່ງທ້າທາຍທີ່ໃຫຍ່ຫຼວງໃນປະຈຸບັນຄື: ການປະທະກັນ, ການປ່ຽນແປງຂອງດິນຟ້າອາກາດ ແລະ ໂລກລະບາດໂຄວິດ-19. ຕໍ່ໜ້າບັນດາຄວາມສ່ຽງເຫຼົ່ານັ້ນ, ທ່ານ ດັ້ງດິ່ງກຸຍ ເນັ້ນໜັກວ່າ, ນ້ຳໃຈຄວາມຮັບຜິດຊອບລວມເພື່ອໂລກບໍ່ມີຄວາມເຈັບປວດ, ຍົກສູງນ້ຳໃຈແຫ່ງຄວາມເມດຕາປານີເພື່ອຢຸດຕິ ແລະ ສະກັດກັ້ນການໃຊ້ຄວາມຮຸນແຮງ, ຄວາມເຄັ່ງຕຶງ, ຊຸກຍູ້ການຮ່ວມມືເພື່ອຮັດແຄບຄວາມແຕກໂຕນ ແລະ ຮ່ວມແຮງຮ່ວມໃຈກັນມີການກະທຳເພື່ອຜົນປະໂຫຍດລວມຂອງມວນມະນຸດ.